eGov Mobile mobildi qosymshasynda "Kredittik jáne saqtandyrý tarihy boiynsha nusqaýlyq" atty jańa servis iske qosyldy. Endi paidalanýshylar ózderiniń nesie alý jáne saqtandyrý tarihyn qadaǵalap, jalpy kredittik qabilettilik deńgeiin onlain jaǵdaida baǵalai alady, dep habarlaidy Dalanews.kz.
Servis "Kreditteý" jáne "Saqtandyrý" atty bólimderden turady. Bul bólimderde paidalanýshy buryn alǵan nesieleri men saqtandyrý qyzmetteri týraly AO "Memlekettik nesie biýrosynyń" derekterine negizdelgen ózekti aqparat usynylǵan.
"Kreditteý" bóliminde paidalanýshynyń sońǵy bes jyldaǵy nesie alý tarihy týraly esep, belsendi nesie mindettemeleri men skoringtik ball (skoringtik ball – paidalanýshynyń nesie qabilettiliginiń deńgeiin kórsetetin kórsetkish) usynylady. Ol nesie alý tarihynyń derekteri negizinde qalyptasady jáne paidalanýshyǵa óziniń nesie bedelin baǵalaýǵa kómektesedi. Skoringtik ball tek aqparattyq sipatqa ie jáne paidalanýshylar úshin onyń kredittik minez-qulqyn baǵalaýǵa arnalǵanyn aita ketý kerek.
"Saqtandyrý" bóliminde paidalanýshyǵa buryn jasalǵan saqtandyrý sharttary men polisteri týraly jalpy esep, sondai-aq mindetti avtosaqtandyrý qunyna áser etetin bonýs-malýs klasy týraly aqparat qoljetimdi.
Jańa servistiń barlyq fýnktsiialary - tegin, bul eGov Mobile paidalanýshylary úshin "Kredittik jáne saqtandyrý tarihy boiynsha nusqaýlyq" qoljetimdi etedi.
Servisti paidalaný úshin qoldanýshy:
- eGov Mobile qosymshasynda avtorizatsiialanyp, "Basqa servister" - "MKB. Kredittik jáne saqtandyrý tarihy boiynsha nusqaýlyq" bólimine ótý;
- jeke derekterdi paidalanýǵa kelisim berý;
- kreditter men saqtandyrý sharttary týraly málimetpen tanysý;
- kredittik jáne/nemese saqtandyrý esebin júkteýi;
- qajet bolǵan jaǵdaida faildardy smartfonǵa saqtaýy qajet.
Jańa servis QR Tsifrlyq damý, innovatsiialar jáne aeroǵarysh ónerkásibi ministrliginiń Memlekettik kórsetiletin qyzmetter komiteti, "Memlekettik kredittik biýro" AQ jáne "Ulttyq aqparattyq tehnologiialar" AQ birlesken jumysynyń arqasynda iske asyryldy.
