eGov Mobile ءموبيلدى قوسىمشاسىندا "كرەديتتىك جانە ساقتاندىرۋ تاريحى بويىنشا نۇسقاۋلىق" اتتى جاڭا سەرۆيس ىسكە قوسىلدى. ەندى پايدالانۋشىلار وزدەرىنىڭ نەسيە الۋ جانە ساقتاندىرۋ تاريحىن قاداعالاپ، جالپى كرەديتتىك قابىلەتتىلىك دەڭگەيىن ونلاين جاعدايدا باعالاي الادى، دەپ حابارلايدى Dalanews.kz.
سەرۆيس "كرەديتتەۋ" جانە "ساقتاندىرۋ" اتتى بولىمدەردەن تۇرادى. بۇل بولىمدەردە پايدالانۋشى بۇرىن العان نەسيەلەرى مەن ساقتاندىرۋ قىزمەتتەرى تۋرالى او "مەملەكەتتىك نەسيە بيۋروسىنىڭ" دەرەكتەرىنە نەگىزدەلگەن وزەكتى اقپارات ۇسىنىلعان.
"كرەديتتەۋ" بولىمىندە پايدالانۋشىنىڭ سوڭعى بەس جىلداعى نەسيە الۋ تاريحى تۋرالى ەسەپ، بەلسەندى نەسيە مىندەتتەمەلەرى مەن سكورينگتىك بالل (سكورينگتىك بالل – پايدالانۋشىنىڭ نەسيە قابىلەتتىلىگىنىڭ دەڭگەيىن كورسەتەتىن كورسەتكىش) ۇسىنىلادى. ول نەسيە الۋ تاريحىنىڭ دەرەكتەرى نەگىزىندە قالىپتاسادى جانە پايدالانۋشىعا ءوزىنىڭ نەسيە بەدەلىن باعالاۋعا كومەكتەسەدى. سكورينگتىك بالل تەك اقپاراتتىق سيپاتقا يە جانە پايدالانۋشىلار ءۇشىن ونىڭ كرەديتتىك مىنەز-قۇلقىن باعالاۋعا ارنالعانىن ايتا كەتۋ كەرەك.
"ساقتاندىرۋ" بولىمىندە پايدالانۋشىعا بۇرىن جاسالعان ساقتاندىرۋ شارتتارى مەن پوليستەرى تۋرالى جالپى ەسەپ، سونداي-اق مىندەتتى اۆتوساقتاندىرۋ قۇنىنا اسەر ەتەتىن بونۋس-مالۋس كلاسى تۋرالى اقپارات قولجەتىمدى.
جاڭا سەرۆيستىڭ بارلىق فۋنكسيالارى - تەگىن، بۇل eGov Mobile پايدالانۋشىلارى ءۇشىن "كرەديتتىك جانە ساقتاندىرۋ تاريحى بويىنشا نۇسقاۋلىق" قولجەتىمدى ەتەدى.
سەرۆيستى پايدالانۋ ءۇشىن قولدانۋشى:
- eGov Mobile قوسىمشاسىندا اۆتوريزاسيالانىپ، "باسقا سەرۆيستەر" - "مكب. كرەديتتىك جانە ساقتاندىرۋ تاريحى بويىنشا نۇسقاۋلىق" بولىمىنە ءوتۋ؛
- جەكە دەرەكتەردى پايدالانۋعا كەلىسىم بەرۋ؛
- كرەديتتەر مەن ساقتاندىرۋ شارتتارى تۋرالى مالىمەتپەن تانىسۋ؛
- كرەديتتىك جانە/نەمەسە ساقتاندىرۋ ەسەبىن جۇكتەۋى؛
- قاجەت بولعان جاعدايدا فايلداردى سمارتفونعا ساقتاۋى قاجەت.
جاڭا سەرۆيس ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى، "مەملەكەتتىك كرەديتتىك بيۋرو" اق جانە "ۇلتتىق اقپاراتتىق تەحنولوگيالار" اق بىرلەسكەن جۇمىسىنىڭ ارقاسىندا ىسكە اسىرىلدى.
