2025 jylǵy mamyrda halyqtyń aldaǵy bir jyldaǵy infliatsiialyq kútýleri seziletin
infliatsiiaǵa berilgen baǵanyń ósimi aiasynda 14,1%-ǵa deiin artty. Sonymen qatar, bes
jyldyq kezeńde kútiletin infliatsiianyń medianalyq máni sál tómendegenimen, áli de
joǵary deńgeide qalyp otyr. Bul týraly Ulttyq Banktiń ai saiyn júrgizetin saýalnama qorytyndysynda aitylady, dep habarlaidy Dalanews.kz.
Sondai-aq elimizdiń aldaǵy bir jyldaǵy damý perspektivalary boiynsha baǵalaýlardyń
ósýi men qomaqty qarajatqa saýda jasaýǵa daiyn bolýy boiynsha baǵalardyń ósýi
nátijesinde tutynys kóńil-kúii jaqsarǵany baiqalady, delinedi Ulttyq Banktiń atalǵan saýalnama qorytyndysynda.
2025 jylǵy mamyrda aldaǵy 12 aida kútiletin infliatsiianyń medianalyq máni 14,1%-ǵa deiin ósti (2025 jylǵy sáýirde – 12,2%).
Al 5 jyldan keiin kútiletin infliatsiianyń medianalyq máni cál tómendep,13,7%-ǵa tústi (14,3%).
2025 jylǵy mamyrda keiingi 12 aida sezilgen infliatsiianyń medianalyq máni 13,5%-ǵa deiin ósti (2025 jylǵy sáýirde – 12,2%). 2025 jylǵy mamyrda azyq-túlik baǵasy óskenin atap ótken respondentterdiń úlesi 79,1%-ǵa deiin ósti (sáýirde – 77,8%).
Sonymen qatar, azyq-túlik emes taýarlardyń qymbattaǵanyn aitqandardyń úlesi 8,9%-ǵa deiin tústi (9,6%) jáne aqyly qyzmetter qymbattaǵanyn baiqaǵandar 8,2%-ǵa deiin azaidy (9,4%).
"2025 jylǵy mamyrda respondentterdiń basym kópshiligi azyq-túlik ónimderinen
jemis-jidek pen kókónis, et ónimderi, irimshik pen shujyq baǵasy óskenin atap ótti. Azyq-túlikke jatpaityn taýarlar qurylymynda halyq eń aldymen dári-dármek pen meditsinalyq preparattardyń, turmystyq himiianyń, kiim men aiaq-kiimniń qymbattaǵanyn kórsetken. Aqyly qyzmetterden respondentter turǵyn úi-kommýnaldyq qyzmetter, internet pen uialy bailanys qyzmetteri, sondai-aq meditsinalyq qyzmetter edáýir qymbattaǵanyn aityp ótti", delingen habarlamada.
2025 jylǵy mamyrda tutyný kóńil-kúii indeksi 101,4-ke deiin ósti (2025 jylǵy sáýirde – 100,8). Kútýlerdi baǵalaýda eldiń aldaǵy bir jyldaǵy damý perspektivasyna degen senim 6,3 pýnktke ósip, 111,9-ǵa jetti.
Sonymen qatar, aldaǵy bir jyldaǵy jeke materialdyq jaǵdaidyń ózgerýin baǵalaý 2,2 pýnktke tómendep, 111,4-ke tústi. Oǵan qosa, qazirgi jaǵdaidy baǵalaýda keiingi bir jyldaǵy jeke materialdyq jaǵdai kórsetkishi 0,1 pýnktke sál ósip, 85,5 boldy. Qomaqty qarajatqa saýda jasaýǵa daiyndyq kórsetkishi de 0,9 pýnktke ósip, 97,8-ge jetti.
