2025 جىلعى مامىردا حالىقتىڭ الداعى ءبىر جىلداعى ينفلياسيالىق كۇتۋلەرى سەزىلەتىن
ينفلياسياعا بەرىلگەن باعانىڭ ءوسىمى اياسىندا 14،1%-عا دەيىن ارتتى. سونىمەن قاتار، بەس
جىلدىق كەزەڭدە كۇتىلەتىن ينفلياسيانىڭ مەديانالىق ءمانى ءسال تومەندەگەنىمەن، ءالى دە
جوعارى دەڭگەيدە قالىپ وتىر. بۇل تۋرالى ۇلتتىق بانكتىڭ اي سايىن جۇرگىزەتىن ساۋالناما قورىتىندىسىندا ايتىلادى، دەپ حابارلايدى Dalanews.kz.

سونداي-اق ەلىمىزدىڭ الداعى ءبىر جىلداعى دامۋ پەرسپەكتيۆالارى بويىنشا باعالاۋلاردىڭ
ءوسۋى مەن قوماقتى قاراجاتقا ساۋدا جاساۋعا دايىن بولۋى بويىنشا باعالاردىڭ ءوسۋى
ناتيجەسىندە تۇتىنىس كوڭىل-كۇيى جاقسارعانى بايقالادى، دەلىنەدى ۇلتتىق بانكتىڭ اتالعان ساۋالناما قورىتىندىسىندا.

2025 جىلعى مامىردا الداعى 12 ايدا كۇتىلەتىن ينفلياسيانىڭ مەديانالىق ءمانى 14،1%-عا دەيىن ءوستى (2025 جىلعى ساۋىردە – 12،2%).

ال 5 جىلدان كەيىن كۇتىلەتىن ينفلياسيانىڭ مەديانالىق ءمانى cءال تومەندەپ،13،7%-عا ءتۇستى (14،3%).

2025 جىلعى مامىردا كەيىنگى 12 ايدا سەزىلگەن ينفلياسيانىڭ مەديانالىق ءمانى 13،5%-عا دەيىن ءوستى (2025 جىلعى ساۋىردە – 12،2%). 2025 جىلعى مامىردا ازىق-تۇلىك باعاسى وسكەنىن اتاپ وتكەن رەسپوندەنتتەردىڭ ۇلەسى 79،1%-عا دەيىن ءوستى (ساۋىردە – 77،8%).

سونىمەن قاتار، ازىق-تۇلىك ەمەس تاۋارلاردىڭ قىمباتتاعانىن ايتقانداردىڭ ۇلەسى 8،9%-عا دەيىن ءتۇستى (9،6%) جانە اقىلى قىزمەتتەر قىمباتتاعانىن بايقاعاندار 8،2%-عا دەيىن ازايدى (9،4%).

"2025 جىلعى مامىردا رەسپوندەنتتەردىڭ باسىم كوپشىلىگى ازىق-تۇلىك ونىمدەرىنەن
جەمىس-جيدەك پەن كوكونىس، ەت ونىمدەرى، ىرىمشىك پەن شۇجىق باعاسى وسكەنىن اتاپ ءوتتى. ازىق-تۇلىككە جاتپايتىن تاۋارلار قۇرىلىمىندا حالىق ەڭ الدىمەن دارى-دارمەك پەن مەديسينالىق پرەپاراتتاردىڭ، تۇرمىستىق حيميانىڭ، كيىم مەن اياق-كيىمنىڭ قىمباتتاعانىن كورسەتكەن. اقىلى قىزمەتتەردەن رەسپوندەنتتەر تۇرعىن ۇي-كوممۋنالدىق قىزمەتتەر، ينتەرنەت پەن ۇيالى بايلانىس قىزمەتتەرى، سونداي-اق مەديسينالىق قىزمەتتەر ەداۋىر قىمباتتاعانىن ايتىپ ءوتتى"، دەلىنگەن حابارلامادا.

2025 جىلعى مامىردا تۇتىنۋ كوڭىل-كۇيى يندەكسى 101،4-كە دەيىن ءوستى (2025 جىلعى ساۋىردە – 100،8). كۇتۋلەردى باعالاۋدا ەلدىڭ الداعى ءبىر جىلداعى دامۋ پەرسپەكتيۆاسىنا دەگەن سەنىم 6،3 پۋنكتكە ءوسىپ، 111،9-عا جەتتى.

سونىمەن قاتار، الداعى ءبىر جىلداعى جەكە ماتەريالدىق جاعدايدىڭ وزگەرۋىن باعالاۋ 2،2 پۋنكتكە تومەندەپ، 111،4-كە ءتۇستى. وعان قوسا، قازىرگى جاعدايدى باعالاۋدا كەيىنگى ءبىر جىلداعى جەكە ماتەريالدىق جاعداي كورسەتكىشى 0،1 پۋنكتكە ءسال ءوسىپ، 85،5 بولدى. قوماقتى قاراجاتقا ساۋدا جاساۋعا دايىندىق كورسەتكىشى دە 0،9 پۋنكتكە ءوسىپ، 97،8-گە جەتتى.