Burynǵy mádeniet jáne sport vitse-ministri Erlan Qojaǵapanov bostandyqqa shyqty. Ol memlekettik qyzmettegi laýazymdyq ókilettigin teris paidalandy degen aiyppen byltyr sottalǵan bolatyn, dep habarlaidy dalanews.kz.
Qylmystyq-atqarý júiesi komitetiniń málimetinshe, sot Qojaǵapanovtyń jazasynyń ótelmegen eki ailyq merzimin aiyppulmen almastyrý týraly sheshim qabyldaǵan.
Vedomstvonyń túsindirýinshe, jazanyń ótelmegen bóligin neǵurlym jeńil jaza túrine aýystyrý nemese sottalǵan adamdy shartty túrde merziminen buryn bosatý máselesin tek sot qaraidy.
Eske salaiyq, 2025 jyly Erlan Qojaǵapanov úsh jylǵa bas bostandyǵynan aiyrylyp, ómir boiyna memlekettik qyzmette laýazym atqarý quqyǵynan aiyrylǵan edi.
Tergeý deregine sáikes, ol 2018 jyly ótken Qazaqstan–Resei óńiraralyq yntymaqtastyq forýmyn uiymdastyrý barysynda zańsyz áreketterge jol berip, sonyń saldarynan memleketke 1 mlrd teńgeden astam shyǵyn keltirilgen.
