بۇرىنعى مەدەنيەت جەنە سپورت ۆيتسە-مينيسترٸ ەرلان قوجاعاپانوۆ بوستاندىققا شىقتى. ول مەملەكەتتٸك قىزمەتتەگٸ لاۋازىمدىق ٶكٸلەتتٸگٸن تەرٸس پايدالاندى دەگەن ايىپپەن بىلتىر سوتتالعان بولاتىن, دەپ حابارلايدى dalanews.kz.
قىلمىستىق-اتقارۋ جٷيەسٸ كوميتەتٸنٸڭ مەلٸمەتٸنشە, سوت قوجاعاپانوۆتىڭ جازاسىنىڭ ٶتەلمەگەن ەكٸ ايلىق مەرزٸمٸن ايىپپۇلمەن الماستىرۋ تۋرالى شەشٸم قابىلداعان.
ۆەدومستۆونىڭ تٷسٸندٸرۋٸنشە, جازانىڭ ٶتەلمەگەن بٶلٸگٸن نەعۇرلىم جەڭٸل جازا تٷرٸنە اۋىستىرۋ نەمەسە سوتتالعان ادامدى شارتتى تٷردە مەرزٸمٸنەن بۇرىن بوساتۋ مەسەلەسٸن تەك سوت قارايدى.
ەسكە سالايىق, 2025 جىلى ەرلان قوجاعاپانوۆ ٷش جىلعا باس بوستاندىعىنان ايىرىلىپ, ٶمٸر بويىنا مەملەكەتتٸك قىزمەتتە لاۋازىم اتقارۋ قۇقىعىنان ايىرىلعان ەدٸ.
تەرگەۋ دەرەگٸنە سەيكەس, ول 2018 جىلى ٶتكەن قازاقستان–رەسەي ٶڭٸرارالىق ىنتىماقتاستىق فورۋمىن ۇيىمداستىرۋ بارىسىندا زاڭسىز ەرەكەتتەرگە جول بەرٸپ, سونىڭ سالدارىنان مەملەكەتكە 1 ملرد تەڭگەدەن استام شىعىن كەلتٸرٸلگەن.
