Eks-sýdia Jolmanova sońǵy sóz aitý úshin sotqa kelmedi. Búgingi sot otyrysynda aiyptalýshylardyń sońǵy sóz aitýy josparlanǵan bolatyn, dep habarlaidy Dalanews.kz.
Alaida Svetlana Jolmanova bul quqyqty paidalanyp, sotqa barýdan bas tartty. Aiyptalýshy kelmegendikten, sot isti onyń qatysýynsyz qaraýdy jalǵastyrdy.
Istiń taǵy bir figýranty Daniiar Kýshaliev sottan bostandyǵynan aiyrmaityn jaza taǵaiyndaýdy surady.
Osydan keiin sot keńesý bólmesine ketti.
Svetlana Jolmanova asa iri kólemdegi alaiaqtyq jasady dep aiyptalýda. Tergeý nusqasyna sáikes, 2021–2024 jyldar aralyǵynda ol jyljymaityn múlik satyp alýǵa jáne tenderlik jobalarǵa qatysýǵa kómektesemin degen syltaýmen 1 milliard teńgeden astam qarajatty iemdengen. Barlyǵy 48 epizod bir óndiriske biriktirilgen.
Bul is týraly ne belgili?
Svetlana Jolmanovaǵa qatysty is Almatydaǵy Medeý aýdandyq №2 sotynda qaralyp jatyr. Oǵan 1 mlrd teńgeni alaiaqtyq jolmen iemdendi degen aiyp taǵylǵan. Tergeý nusqasyna sai ol túrli tenderler men jyljymaityn múlik mámilelerine kómektesemin dep, oǵan qosa eks-ákimniń áielimen aralasamyn degen syltaýmen adamdardy aldaǵan. Jumystan ketken soń da ózin sýdia retinde tanystyryp, aqsha bopsalaýdy jalǵastyrǵan. Qazirgi tańda 48 epizod tirkelgen, jábirlenýshiler arasynda sýdialar da bar.
Ekinshi aiyptalýshy - burynǵy politsei Daniiar Qushaliev. BAQ málimetinshe, ol buǵan deiin para alý deregi boiynsha ustalǵan.
Buǵan deiingi isteri
Aita keteiik, 2021 jyldyń 28 sáýirinde Almaty qalasy Medeý aýdandyq sotynyń sýdiasy Svetlana Jolmanova alaiaqtyq jasady degen kúdikke ilindi.
Tintý kezinde sýdianyń kabinetinen 10 myń dollar tárkilengen. Ol sot sheshimderin belgili bir adamdardyń paidasyna shyǵarýǵa kómektesken degen kúdikke ilindi.
29 sáýirde Joǵarǵy sot tóraǵasynyń ókimimen Svetlana Jolmanovanyń ókilettigi toqtatyldy.
