Germanıada qasaqana óltirilgen eks-sýdá Aıgúl Saılybaeva isi boıynsha kúıeýi men enesi izdestirilýde, dep habarlaıdy Dalanews.kz.

Qazaqstannyń İshki ister mınıstrligi Natalá Donsova men onyń uly Aleksandr Donsovty izdeý jarıalanǵandar qataryna engizdi. İs Taldyqorǵan qalasynda tirkelgen.

Olar Germanıada kisi qolynan qaza tapqan burynǵy sýdıa Aıgúl Saılybaeva ólimine baılanysty kúdiktiler retinde qarastyrylyp otyr.

Eske salaıyq, 2023 jyldyń maýsym aıynda Germanıanyń Benshaım qalasynyń shetinde 40 jastaǵy Aıgúl Saılybaevanyń zorlyq-zombylyq belgileri bar máıiti tabylǵan edi. BAQ málimetterine sáıkes, onyń denesinde pyshaq jaraqattary bolǵan. Sol kúni Aıgúl Saılybaevamen birge onyń enesi Natalá Donsova da joǵalyp ketken. Sońǵy ret Donsova nemeresin balabaqshadan alyp, úıine ákelgen. Sol ýaqyttan beri Natalá Donsovadan esh habar joq. 

Aıgúl Saılybaeva – buryn Astanada sýdıa bolyp qyzmet etken, Sheffıld ýnıversıtetinde bilim alǵan. Sońǵy jyldary otbasymen birge Germanıada turǵan.