Qylmystyq atqarý júıesi komıteti bıylǵy jyldyń 1 qyrkúıeginde óz jazasyn ótep bolýyna baılanysty Serik Ahmetovtyń tirkeýden alynǵanyn habarlady. Endi ol belgili bir laýazymdardy atqarýǵa tyıym salatyn qosymsha jaza boıynsha ǵana probasıada esepte tur.
2015 jyldyń jeltoqsanynda Serik Ahmetov búdjet qarajatyn jymqyrdy, qyzmet babyn asyra paıdalandy jáne kásipkerlik qyzmetke zańsyz aralasqany úshin bes jyl memlekettik qyzmet atqarý quqyǵynan aıyryla otyryp, múlki tárkilenip, 10 jylǵa bas bostandyǵynan aıyryldy.
Ahmetov kinásin moıyndamady, degenmen ol ózine artylǵan senimdi aqtamaǵany ári "alańdatyp qoıǵany" úshin Qazaqstannyń Tuńǵysh Prezıdenti Nursultan Nazarbaevtan keshirim surady.
2016 jyldyń naýryzynda onyń merzimi 8 jylǵa deıin qysqartyldy. Oǵan Ahmetovtyń shyn júrekten ókinish bildirip, 2,5 mıllıard teńge kóleminde zalaldy óteýi túrtki boldy.
2017 jyldyń qyrkúıeginde burynǵy premer-mınıstrdiń bas bostandyǵynan aıyrý jazasy turǵylyqty jerinde bostandyǵyn shekteý jazasyna aýystyryldy.
Nazar aýdarǵandaryńyz úshin barshańyzǵa rahmet. Men úıge baramyn, demalamyn, - dedi Ahmetov kolonıadan shyǵyp bara jatyp.
Keıin Serik Ahmetov ózin shartty túrde merziminen buryn bosatýdy surap, sotqa ótinish berdi, biraq ótinish qanaǵattandyrylmady. 2020 jyldyń maýsymynda sot ótinish berýshiniń óz ótinishin keri qaıtaryp alýyna baılanysty shartty túrde merziminen buryn bosatý týraly qaıta joldanǵan ótinishti qaraýsyz qaıtardy.
Serik Ahmetov ár jyldary Temirtaý qalasynyń ákimi, Qaraǵandy oblysynyń ákimi, kólik jáne komýnıkasıa mınıstri, qorǵanys mınıstri boldy. Serik Ahmetov isi - 2015 jylǵy eń daýly istiń biri boldy.
