25 naýryzda Almatyda Úndistandaǵy QR elshiliginiń eks-konsýly Rashid Rahimbekovqa qatysty sot isi bastalady. 66 jastaǵy zeinetkerge QR Qylmystyq kodeksiniń 394 babynyń 2-shi tarmaǵy boiynsha – «Qyzmet babyn paidalanyp, zańsyz migratsiiany uiymdastyrǵany úshin» degen aiyp taǵylǵan.
2013 jyly zeinetke ketken Rahimbekovke birneshe aidan keiin qyzmet atqarǵan isi boiynsha tekserý júrgizilgen. Tekseristiń qorytyndysy boiynsha, UQK eks-konsýlǵa 1700 vizany zańsyz jasaǵan dep kiná artady. Eger sotta Rashid Rahimbekovtyiń aiyby dáleldense, ony 5 jylǵa deiingi bas bostandyǵynan aiyrylý jazasy kútip tur.
«Biz aiyp taǵylǵan aktini qaraǵanymyzda, ne kúlerimizdi, ne jylarymyzdy bilmedik. Óitken iol miǵa qonbaidy»,- dep bastady Rahimbekovtiń burynǵy jubaiy jáne qoǵamdyq qorǵaýshysy Hatira Rahimbekova. – Ony zańsyz migratsiiany uiymdastyrdy dep aiyptapty. Biraq ol kerisinshe qaýiptiń betin qaitarý úshin elge kirý vizasyn qysqartyp otyrǵan. Kóp márte kirýge ruqsat vizasy 200 dollar, al úsh ret kirýge ruqsat vizasy – 120 dollar turady. Elshiniń saiasi erejesine sai sheteldik azamat aqshany kóp tólegisi kelmese, onda oǵan eki nemese úsh márte elge kirý vizasyn jasai alady. Biraq UQK-niń bárine uzaqmerzimdi qymbat vizalardy berý kerek degen aýyzsha tapsyrmasy bolǵan sekildi», - dep boljam aitady Rahimbekova.
Rahimbekova óziniń burynǵy kúieýiniń tarapynan zańsyz isterdiń bolǵanyn joqqa shyǵaryp, barlyq vizalardyń erejege sai berilgenin (sońǵy jylda berilgen vizalar sany 7 myńnan asady) aitty. UQK esebi boiynsha, 1700 «zańǵa qaishy» dep bergen vizalar men berýge tiisti «zańdy» vizalardyń aiyrmasy 80 dollarǵa teń. Jáne ony da zeinetkerden óndirip almaqshy. UQK «qaryz» sanyn 207 myń dollarǵa eseptep otyr.
«Syrtqy ister ministrliginiń qyzmetkerleri UQK-niń qysymymen aktige qol qoidy, biraq olar qazir Rahimbekovtiń isinde zańsyzdyqtyń joq ekenin aityp otyr. Biraq sot qalai bolǵanda da ótedi», - deidi Hatira Rahimbekova. Sondai-aq ol, qazir elde Rahimbekov aiyptalyp jatqan bab boiynsha tergeýde 25 konsýldyń turǵanyn da aityp ótti.
Sot otyrysy zeinetkerdiń densaýlyǵynyń nasharlaǵynyna qaramastan da ótedi. 66 jastaǵy eks-elshi jaqynda qysqa merzimdi esinen aiyrylý dertine ushyraǵan. Onyń burynǵyá ieliniń aitýy boiynsha, bul Altsgeimer dertiniń bastapqy kezeńi bolýy múmkin dep otyr. Rahimbekovadan gipertoniialyq aýrý men miyndaǵy qan ainalymynyń buzylǵanyn dárigerler taýyp otyr. Sońǵy kezderdegi stresstiń kesirinen Rahimbekov psihikalyq densaýlyq ortalyǵynda em alǵan. Biraq onyń sot aldynda jaýap berý múmkindigi qarastyrylyp jatqan joq.
[caption id="attachment_14295" align="alignleft" width="177"]
Rahimbekovtiń qyzmettik ómiriniń barlyǵy da Syrtqy ister ministrliginde ótken. 9 jyl boiy Afrika elderinde jumys istegen, januiasymen Máskeýde turǵan. 2009 jyldan bastap QR Úndistandaǵy elshisi bolyp qyzmet atqardy.
«Men Rashidti 6 jyldan beri bilemin. Jáne ol týraly tek birnárse aita alamyn – ol óte adal adam, - dedi onyń Úndistandaǵy burynǵy qyzmettesi HassanHalid. – Men sottyń ádildigine senemin. Sebebi ózge adamdarǵa ádil adamnyń óz eline qarsy qylmysqa barýy múmkin emes», - dep aiaqtady sózin Hassan Halid.
Rashid Rahimbekovtiń ózi baspasóz maslihatyna qatysty. Biraq bir aýyz sóz aitpai, únemi zaldy tastap ketkisi keldi.
Edige Erjan
