Ekibastuzda el prezidenti Qasym-Jomart Toqaevtyń 2023 jyldyń tamyz aiynda kenshiler qalasyna kelgen kezinde bergen tapsyrmasy boiynsha salynǵan «Samǵaý» balalar shyǵarmashylyǵy ortalyǵynyń ashylý saltanaty ótti.
Joba Pavlodar oblysynyń eki iri ónerkásiptik kompaniiasynyń: ERG jáne KazMineralsBozshakol toptarynyń demeýshilik qarajaty esebinen júzege asyryldy. Jobanyń jalpy quny 5,3 mlrd. teńge.
Jańa nysannyń jumysy Ekibastuz qalasynyń balalaryn qosymsha bilim berýmen qamtýdy 70%-ǵa nemese 16 myńnan astam oqýshyǵa deiin ulǵaitýǵa múmkindik beredi.
Jalpy aýdany 7200 sharshy metrdi quraityn zamanaýi ortalyqta 9 myńnan astam bala, onyń ishinde erekshe qajettilikteri bar balalar 12 baǵyt boiynsha qosymsha bilim alýǵa, ýaqyttaryn qyzyqty ótkizýge, óz-ózderin damytýǵa múmkindik aldy. Ortalyq erekshe qajettilikteri bar balalarǵa tolyqtai beiimdelgen, lift jáne kótergish qurylǵylarmen, tiflo- jáne sýrdoqurylǵylarmen jabdyqtalǵan.
- Men búgin memleket basshysy Qasym-Jomart Toqaevtyń tikelei tapsyrmasymen salynǵan jańa innovatsiialyq «Samǵaý» balalar shyǵarmashylyǵy ortalyǵynyń ashylý saltanatyna qatysqanyma óte qýanyshtymyn. «Samǵaý» kenshiler qalasynyń balalary men jastaryn tartatyn ortalyq bolatynyna senimdimin. Bul sizder úshin jańa dostar tabýǵa, úirenýge jáne damýǵa, sondai-aq, ýaqyt ótkizýge bolatyn ekinshi úilerińiz bolsyn, - dedi aimaq basshysy.
Sondai-aq, Asaiyn Baihanov balalar men jastardyń úilesimdi damýy úshin asa qajetti jobany iske asyrýǵa jáne nysannyń qurylysyna qatysqandardyń barlyǵyna alǵysyn bildirdi.
Ǵimarattyń birinshi qabatynda bi zaly, teatrdyń jattyǵý zaly, jeke vokal men mýzyka sabaqtaryna arnalǵan bólmeler jáne 275 oryndyq úlken aýditoriia ornalasqan. Balalar ortalyq jumysynyń shyǵarmashylyq baǵyttarynan horeografiia (halyqtyq, zamanaýi jáne klassikalyq biler), teatr óneri, vokal jáne hor áni nemese aspaptyq sheberlik (dombyra, qobyz, gitara, mandolina, daýylpaz, asataiaq, shertpe) boiynsha sabaqtardy tańdai alady.
Ekinshi qabatta jasyl tehnologiialar ortalyǵynyń ǵylymi-biologiialyq zerthanasy (gidro jáne ekoponika) jáne landshafttyq sáýlet pen floristikalyq dizain stýdiialary, sondai-aq, pikirtalas ortalyǵy, media ortalyq (dybys jazý stýdiiasy, telestýdiia, fotografiia akademiiasy, jas bloger stýdiiasy, kovorking ortalyǵy) jáne sán stýdiiasy (makiiaj jáne kostiým sýretshisi, interer dizainy) ornalasqan.
Úshinshi qabat tolyǵymen robototehnika jáne kompiýterlik modeldeý, ǵaryshtyq radiobailanys jáne radiotehnika klýbtaryn, STEM jáne LEGO zerthanalaryn, UUA klýbyn (ushqyshsyz ushý apparaty) qosa alǵanda IT-tehnologiialarǵa, sondai-aq, balalar pishim men tigindi, modeldeýdi, keramikany, beineleý ónerimen aspazdyq ónerdi úirenýge múmkindik beretin kórkemdik-qoldanbaly blokqa berildi.
Sonymen qatar, ortalyqta ata-analar men balalarǵa arnalǵan psihologiialyq-pedagogikalyq qoldaý kabineti, ústel tennisine arnalǵan aimaqtar, emdik dene shynyqtyrý jáne jattyǵý zaly jumys isteitin bolady.
Balalar da, ata-analar da ortalyqtyń ashylýyna jáne ártúrli tegin sabaqtardyń bolǵanyna qýanyshty.
- Balalarymyzdyń jańa nárseni úirenip, bilim alýlary úshin qalamyzda osyndai ortalyqtyń ashylýyn asyǵa kúttik. Bizdiń ótinishimizdi tyńdap, qala úshin, balalar úshin jáne olardyń bolashaǵy úshin osyndai ortalyq salýǵa tapsyrma bergeni úshin Prezidentimizge óte rizamyz. Atsalysqan barsha janǵa alǵys bildiremin. Shyǵarmashylyq úiirmege jazylýdy josparlaǵanbyz, biraq, munda kóptegen qyzyqty úiirmeler bar eken, endi basqa da baǵyttardy kórýdi oilap otyrmyz, – dep Ekibastuz qalasynyń turǵyny Aiana Smaǵulova óziniń qýanyshymen bólisti.
Nysannyń qurylysy 2023 jyldyń qazan aiynda bastalyp, 2024 jyly aiaqtaldy. Ortalyqta jumys isteýge 50-den astam qosymsha bilim berý pedagogtary tartyldy.
Búgingi tańda óńirde óskeleń urpaqtyń úilesimdi damýy úshin barlyq jaǵdai jasalýda. Buǵan deiin 800 balaǵa arnalǵan shyǵarmashylyq ortalyq Ertis aýdanynda ashylǵan bolatyn. Qyrkúiek aiynda Pavlodar qalasynda «Altyn saqa» balalar shyǵarmashylyǵy jáne demalys ortalyǵy ashyldy.
Ekibastuzda jańa «SAMǴAÝ» balalar shyǵarmashylyǵy ortalyǵy ashyldy
