ەكٸباستۇزدا ەل پرەزيدەنتٸ قاسىم-جومارت توقاەۆتىڭ 2023 جىلدىڭ تامىز ايىندا كەنشٸلەر قالاسىنا كەلگەن كەزٸندە بەرگەن تاپسىرماسى بويىنشا سالىنعان «سامعاۋ» بالالار شىعارماشىلىعى ورتالىعىنىڭ اشىلۋ سالتاناتى ٶتتٸ.
جوبا پاۆلودار وبلىسىنىڭ ەكٸ ٸرٸ ٶنەركەسٸپتٸك كومپانيياسىنىڭ: ERG جەنە KazMineralsBozshakol توپتارىنىڭ دەمەۋشٸلٸك قاراجاتى ەسەبٸنەن جٷزەگە اسىرىلدى. جوبانىڭ جالپى قۇنى 5,3 ملرد. تەڭگە.
جاڭا نىساننىڭ جۇمىسى ەكٸباستۇز قالاسىنىڭ بالالارىن قوسىمشا بٸلٸم بەرۋمەن قامتۋدى 70%-عا نەمەسە 16 مىڭنان استام وقۋشىعا دەيٸن ۇلعايتۋعا مٷمكٸندٸك بەرەدٸ.
جالپى اۋدانى 7200 شارشى مەتردٸ قۇرايتىن زاماناۋي ورتالىقتا 9 مىڭنان استام بالا, ونىڭ ٸشٸندە ەرەكشە قاجەتتٸلٸكتەرٸ بار بالالار 12 باعىت بويىنشا قوسىمشا بٸلٸم الۋعا, ۋاقىتتارىن قىزىقتى ٶتكٸزۋگە, ٶز-ٶزدەرٸن دامىتۋعا مٷمكٸندٸك الدى. ورتالىق ەرەكشە قاجەتتٸلٸكتەرٸ بار بالالارعا تولىقتاي بەيٸمدەلگەن, ليفت جەنە كٶتەرگٸش قۇرىلعىلارمەن, تيفلو- جەنە سۋردوقۇرىلعىلارمەن جابدىقتالعان.
- مەن بٷگٸن مەملەكەت باسشىسى قاسىم-جومارت توقاەۆتىڭ تٸكەلەي تاپسىرماسىمەن سالىنعان جاڭا يننوۆاتسييالىق «سامعاۋ» بالالار شىعارماشىلىعى ورتالىعىنىڭ اشىلۋ سالتاناتىنا قاتىسقانىما ٶتە قۋانىشتىمىن. «سامعاۋ» كەنشٸلەر قالاسىنىڭ بالالارى مەن جاستارىن تارتاتىن ورتالىق بولاتىنىنا سەنٸمدٸمٸن. بۇل سٸزدەر ٷشٸن جاڭا دوستار تابۋعا, ٷيرەنۋگە جەنە دامۋعا, سونداي-اق, ۋاقىت ٶتكٸزۋگە بولاتىن ەكٸنشٸ ٷيلەرٸڭٸز بولسىن, - دەدٸ ايماق باسشىسى.
سونداي-اق, اسايىن بايحانوۆ بالالار مەن جاستاردىڭ ٷيلەسٸمدٸ دامۋى ٷشٸن اسا قاجەتتٸ جوبانى ٸسكە اسىرۋعا جەنە نىساننىڭ قۇرىلىسىنا قاتىسقانداردىڭ بارلىعىنا العىسىن بٸلدٸردٸ.
عيماراتتىڭ بٸرٸنشٸ قاباتىندا بي زالى, تەاتردىڭ جاتتىعۋ زالى, جەكە ۆوكال مەن مۋزىكا ساباقتارىنا ارنالعان بٶلمەلەر جەنە 275 ورىندىق ٷلكەن اۋديتورييا ورنالاسقان. بالالار ورتالىق جۇمىسىنىڭ شىعارماشىلىق باعىتتارىنان حورەوگرافييا (حالىقتىق, زاماناۋي جەنە كلاسسيكالىق بيلەر), تەاتر ٶنەرٸ, ۆوكال جەنە حور ەنٸ نەمەسە اسپاپتىق شەبەرلٸك (دومبىرا, قوبىز, گيتارا, ماندولينا, داۋىلپاز, اساتاياق, شەرتپە) بويىنشا ساباقتاردى تاڭداي الادى.
ەكٸنشٸ قاباتتا جاسىل تەحنولوگييالار ورتالىعىنىڭ عىلىمي-بيولوگييالىق زەرتحاناسى (گيدرو جەنە ەكوپونيكا) جەنە لاندشافتتىق سەۋلەت پەن فلوريستيكالىق ديزاين ستۋدييالارى, سونداي-اق, پٸكٸرتالاس ورتالىعى, مەديا ورتالىق (دىبىس جازۋ ستۋديياسى, تەلەستۋدييا, فوتوگرافييا اكادەميياسى, جاس بلوگەر ستۋديياسى, كوۆوركينگ ورتالىعى) جەنە سەن ستۋديياسى (ماكيياج جەنە كوستيۋم سۋرەتشٸسٸ, ينتەرەر ديزاينى) ورنالاسقان.
ٷشٸنشٸ قابات تولىعىمەن روبوتوتەحنيكا جەنە كومپيۋتەرلٸك مودەلدەۋ, عارىشتىق راديوبايلانىس جەنە راديوتەحنيكا كلۋبتارىن, ستەم جەنە لەگو زەرتحانالارىن, ۇۇا كلۋبىن (ۇشقىشسىز ۇشۋ اپپاراتى) قوسا العاندا IT-تەحنولوگييالارعا, سونداي-اق, بالالار پٸشٸم مەن تٸگٸندٸ, مودەلدەۋدٸ, كەراميكانى, بەينەلەۋ ٶنەرٸمەن اسپازدىق ٶنەردٸ ٷيرەنۋگە مٷمكٸندٸك بەرەتٸن كٶركەمدٸك-قولدانبالى بلوكقا بەرٸلدٸ.
سونىمەن قاتار, ورتالىقتا اتا-انالار مەن بالالارعا ارنالعان پسيحولوگييالىق-پەداگوگيكالىق قولداۋ كابينەتٸ, ٷستەل تەننيسٸنە ارنالعان ايماقتار, ەمدٸك دەنە شىنىقتىرۋ جەنە جاتتىعۋ زالى جۇمىس ٸستەيتٸن بولادى.
بالالار دا, اتا-انالار دا ورتالىقتىڭ اشىلۋىنا جەنە ەرتٷرلٸ تەگٸن ساباقتاردىڭ بولعانىنا قۋانىشتى.
- بالالارىمىزدىڭ جاڭا نەرسەنٸ ٷيرەنٸپ, بٸلٸم الۋلارى ٷشٸن قالامىزدا وسىنداي ورتالىقتىڭ اشىلۋىن اسىعا كٷتتٸك. بٸزدٸڭ ٶتٸنٸشٸمٸزدٸ تىڭداپ, قالا ٷشٸن, بالالار ٷشٸن جەنە ولاردىڭ بولاشاعى ٷشٸن وسىنداي ورتالىق سالۋعا تاپسىرما بەرگەنٸ ٷشٸن پرەزيدەنتٸمٸزگە ٶتە ريزامىز. اتسالىسقان بارشا جانعا العىس بٸلدٸرەمٸن. شىعارماشىلىق ٷيٸرمەگە جازىلۋدى جوسپارلاعانبىز, بٸراق, مۇندا كٶپتەگەن قىزىقتى ٷيٸرمەلەر بار ەكەن, ەندٸ باسقا دا باعىتتاردى كٶرۋدٸ ويلاپ وتىرمىز, – دەپ ەكٸباستۇز قالاسىنىڭ تۇرعىنى ايانا سماعۇلوۆا ٶزٸنٸڭ قۋانىشىمەن بٶلٸستٸ.
نىساننىڭ قۇرىلىسى 2023 جىلدىڭ قازان ايىندا باستالىپ, 2024 جىلى اياقتالدى. ورتالىقتا جۇمىس ٸستەۋگە 50-دەن استام قوسىمشا بٸلٸم بەرۋ پەداگوگتارى تارتىلدى.
بٷگٸنگٸ تاڭدا ٶڭٸردە ٶسكەلەڭ ۇرپاقتىڭ ٷيلەسٸمدٸ دامۋى ٷشٸن بارلىق جاعداي جاسالۋدا. بۇعان دەيٸن 800 بالاعا ارنالعان شىعارماشىلىق ورتالىق ەرتٸس اۋدانىندا اشىلعان بولاتىن. قىركٷيەك ايىندا پاۆلودار قالاسىندا «التىن ساقا» بالالار شىعارماشىلىعى جەنە دەمالىس ورتالىعى اشىلدى.
ەكٸباستۇزدا جاڭا «سامعاۋ» بالالار شىعارماشىلىعى ورتالىعى اشىلدى
