Eki ai buryn anasynan aiyrylǵan 6 búldirshinder qonys toiyn toilady
Bala-shaǵasymen jańa úige qonys aýdarǵan áke «Barsha halqyma alǵysym sheksiz, Túrgen apparatyna jubaiymnyń qaitys bolǵan kúninen bastap qoldap júrgenderine, alǵashqy kómek kórsetkenderine, Elmira hanymnyń bastamasymen bastalǵan júieli jumysqa rizashylyǵymdy bildiremin. Bala-shaǵasynyń qyzyǵyn kórip, kóp jasasyn»,– dep aǵynan jaryldy aǵamyz! Basyna túsken qiyndyqty eli bolyp kótergenine Murat Bulanbaiulynyń alyǵysyda shek joq.
Kópbalaly Jumadilovter otbasy buǵan deiin Túrgen aýylyndaǵy 2 bólmeli jupyny úidi 15 myń teńgege jalǵa alyp kelgen. Qaiǵysyna ortaq bolǵan aýyldyq okrýg ákimshiligi, aýyldyń izgi nietti turǵyndary tarapynan alǵashqy kómek kórsetilgen bolatyn. Sonymen qatar biylǵy jyldyń 17 sáýirinen bastap marqum Názira Qosaeva 6 balasyna 150 274 teńge mólsherinde jańartylǵan MAÁK taǵaiyndalyp, turaqty alǵan.
Qonys toilaryna Túrgen a/o ákiminiń ýaqytsha mindetin atqaryp jatqan Erjan Serikuly kelip quttyqtap, kórimdigin tartý etti. Aýyl turǵyndarynan jinalǵan qarajat pen azyq-túlik qosa berildi.
Jumadilovter otbasyndaǵy balanyń eń úlkeni 8 synyp oqýshysy bolsa, eń kishisi 7 ailyq búldirshin. Bul otbasyǵa Jańashar ákimshilik qyzmetkerleri de qoldan kelgen kómekterin kórsetip otyr.
Aita ketý kerek, jyl basynan beri kásipkerlerdiń qoldaýymen Eńbekshiqazaq aýdanynda 2 otbasy baspanaly boldy. Jalpy aýdan boiynsha 9 myńǵa jýyq kópbalaly otbasy bar. Onyń 141-i turǵyn-úi kezeginde tur. Aldaǵy ýaqytta Elbasymyzdyń tapsyrmasyna sáikes atalmysh otbasylarǵa Eńbekshiqazaq aýdanynda turaqty kómek kórsetiletin bolady.
