Dańqty italiialyq dziýdoshy, Olimpiada chempiony jáne eki dúrkin álem chempionatynyń kúmis júldegeri Etsio Gamba bastaǵan komanda dziýdodan Qazaqstan ulttyq quramasymen yntymaqtastyqty bastady. Bul yntymaqtastyq aiasynda halyqaralyq arenada óziniń tiimdiligin dáleldegen jańa daiyndyq ádistemesi engizilip jatyr.
Gambanyń jetekshiligimen Italiia quramasy 2000 jylǵy Sidnei Olimpiadasynda 1 altyn, 3 qola medal jeńip alsa, al Resei quramasyn jattyqtyrǵan kezinde London Olimpiadasynda onyń shákirtteri 3 altyn, 1 kúmis, 1 qola medal enshilegen.
Aita ketý kerek, eki dúrkin Eýropa chempiony, álem birinshiliginiń kúmis júldegeri Robert Mshvidobadze, Eýropa chempionatynyń kúmis júldegeri Batradz Kaitmazov jáne japoniialyq tájiribeli maman Tsýnoda Tsýiosi bastaǵan Gambanyń komandasy ulttyq quramanyń jattyǵý úderisine jan-jaqty qoldaý kórsetýde. Olardyń tájiribesi men innovatsiialyq tásilderi otandyq dziýdony jańa jetistikterge jetkizýdiń qýatty quraly bolmaq.
