داڭقتى يتاليالىق دزيۋدوشى، وليمپيادا چەمپيونى جانە ەكى دۇركىن الەم چەمپيوناتىنىڭ كۇمىس جۇلدەگەرى ەسيو گامبا باستاعان كوماندا دزيۋدودان قازاقستان ۇلتتىق قۇراماسىمەن ىنتىماقتاستىقتى باستادى. بۇل ىنتىماقتاستىق اياسىندا حالىقارالىق ارەنادا ءوزىنىڭ تيىمدىلىگىن دالەلدەگەن جاڭا دايىندىق ادىستەمەسى ەنگىزىلىپ جاتىر.
گامبانىڭ جەتەكشىلىگىمەن يتاليا قۇراماسى 2000 جىلعى سيدنەي وليمپياداسىندا 1 التىن، 3 قولا مەدال جەڭىپ السا، ال رەسەي قۇراماسىن جاتتىقتىرعان كەزىندە لوندون وليمپياداسىندا ونىڭ شاكىرتتەرى 3 التىن، 1 كۇمىس، 1 قولا مەدال ەنشىلەگەن.
ايتا كەتۋ كەرەك، ەكى دۇركىن ەۋروپا چەمپيونى، الەم بىرىنشىلىگىنىڭ كۇمىس جۇلدەگەرى روبەرت مشۆيدوبادزە، ەۋروپا چەمپيوناتىنىڭ كۇمىس جۇلدەگەرى باترادز كايتمازوۆ جانە جاپونيالىق تاجىريبەلى مامان سۋنودا ءسۋوسي باستاعان گامبانىڭ كومانداسى ۇلتتىق قۇرامانىڭ جاتتىعۋ ۇدەرىسىنە جان-جاقتى قولداۋ كورسەتۋدە. ولاردىڭ تاجىريبەسى مەن يننوۆاسيالىق تاسىلدەرى وتاندىق دزيۋدونى جاڭا جەتىستىكتەرگە جەتكىزۋدىڭ قۋاتتى قۇرالى بولماق.
