2024 jyly "Samuryq-Qazyna" Ulttyq ál-aýqat qorynyń memleket paıdasyna 1,3 trln teńge bóldi, dep habarlaıdy Dalanews.kz.
"Samuryq-Qazyna" Ulttyq ál-aýqat qorynyń jalǵyz aksıoneri 20 qarashada UÁQ-nyń 2023 jylǵy taza kirisin bólý tártibin bekitti. Bul týraly málimet KASE-de jarıalandy. Oǵan sáıkes, byltyr qor jalpy 1,7 trln teńgege jýyq taza kiris alǵan.
Osyǵan qatysty qosymsha aqparatpen bólisken qordyń baspasóz qyzmeti memleket paıdasyna 1,3 trln teńge qarastyrylyp, bólingenin naqtylaıdy.
Onyń ishinde:
- dıvıdent retinde memleket búdjetine 579 mlrd teńge;
- Úkimettiń tapsyrmasy aıasynda áleýmettik jobalardy qarjylandyrýǵa 228 mlrd teńge bóldi. Bul qarajat medısınalyq ortalyqtar, áleýmettik osal toptarǵa arnalǵan turǵyn úıler qurylysyna jáne basqa da áleýmettik jobalarǵa jumsaldy.
- ekonomıkalyq ósimdi qamtamasyz etý boıynsha is-sharalar josparyn iske asyrý aıasynda, eldi mekenderdi gazdandyrýǵa 105 mlrd teńge;
- ekonomıkalyq ósimdi qamtamasyz etý boıynsha is-sharalar josparyn iske asyrý aıasynda, jalǵa beriletin turǵyn úı qurylysy baǵdarlamasyn qarjylandyrý úshin 272 mlrd teńge;
- qaıyrymdylyqqa 10 mlrd teńge (qaıyrymdylyqqa jyl saıyn bólinetin soma);
- sý tasqynynan zardap shekken óńirlerge 22 mlrd teńge bóldi.
- 50 mlrd teńge "Qazaqstan halqyna" QQ-na aýdarylady.
"Buǵan deıin dıvıdendterdi tóleý jáne áleýmettik jobalardy qarjylandyrý boıynsha qabyldanǵan sheshimderdi eskere otyryp, qordyń 2023 jylǵy qarjylyq esebin bekitý týraly Úkimet sheshimi sheńberinde qosymsha dıvıdendter tóleý qarastyrylmaǵan. Sonymen qatar, "Samuryq-Qazyna" AQ 53,5 trln teńgeden astam somaǵa 130 ınvestısıalyq jobany júzege asyrýda", delingen "Samuryq-Qazyna" Ulttyq ál-aýqat qorynyń baspasóz habarlamasynda.
