Qazaqstannyń álemge tanylǵan ánshisi, Dimash Qudaibergen Olimpiada chempiony Mihail Shaidorovqa kólik syilaitynyn málimdedi. Óner iesiniń bul qadamy áleýmettik jelide qyzý talqylanyp, jankúierlerdiń zor qoldaýyna ie boldy, dep habarlaidy Dalanews.kz
Aita keteiik, jýyrda ótken Qysqy Olimpiada oiyndarynda el namysyn abyroimen qorǵaǵan Mihail Shaidorov tarihi jetistikke jetip, Qazaqstan qorjynyna altyn medal salǵan edi. Onyń muz aidynyndaǵy óneri tek sport jankúierlerin ǵana emes, óner álemin de tánti etti.
Ásirese, erkin baǵdarlama kezinde Shaidorovtyń Dimashtyń repertýaryndaǵy ándi tańdaýy kópshilikti tolqytty. Osy sátke bailanysty ánshi sportshyǵa júrekjardy lebizin bildirdi.
“Dosym, qazaqtyń mańdaiyna bitken jaryq juldyz Denis Tenniń ornyn joqtatpaimyn. Muz ústindegi óneriń kópke úmit pen rýh syilady. Meniń oryndaýymdaǵy ándi tańdap, meni de marqaityp qoidyń. Elge aman-esen jetip alaiyq. Bir temir tulparyń meniń moinymda, baýyrym”, – dedi ánshi.
Bul sózder kópshiliktiń júregine jetti. Óner men sporttyń toǵysynda týǵan osyndai qoldaý el ishindegi birlik pen rýhty aiqyndai túskendei.
Jeli qoldanýshylary Dimashtyń keń peiiline rizashylyq bildirip, Shaidorovtyń bolashaǵyna senim artty. Kólik syilaý – jai ǵana syilyq emes, jas sportshyǵa kórsetilgen úlken qurmet pen qoldaý ekeni anyq.
Osylaisha, qazaqstandyq juldyzdardyń bir-birine demeý bolýy – el mereiin ústem etip, jas býynǵa úlgi bolary sózsiz.
