Qańtar oqiǵasynan keiin jappai tártipsizdikterdi uiymdastyrdy dep aiyptalǵan polkovnik Rýslan Ysqaqov «Novaia Gazetaǵa» shyn máninde ne bolǵanyn aitty. Ol Dikii Arman shyn máninde Samat Ábishtiń buiryǵyn oryndaǵanyna senimdi, - dep habarlaidy Dalanews.kz.
Rýslan Ysqaqov qańtar oqiǵasyna bailanysty ótken sot otyrystarynyń birinde ol Samat Ábishtiń buiryǵyn oryndaǵanyn aitqan bolatyn. Ábishtiń buiryǵymen Ysqaqov Arman Jumageldiev – Dikii Armandy bul iske tartqan kórinedi. Jumageldiev qylmys álemne qatysy bar jáne Nazarbaevtar áiýletiniń tapsyrmasyn oryndaýshy retinde belgili.
Rýslan Ysqaqov bilikke jáne BAQ ókilderine ashyq hat jazǵan. Hatynda ol «shyn máninde mitingti 2019 jyly eldi basqarǵan prezidentpen esep berip, óz is-áreketterin úilestiretin úkimet pen tiisti ministrlik týdyrdy» deidi.
«Memlekettik komissiia otyrysynda Ulttyq qaýipsizdik komiteti tóraǵasynyń burynǵy orynbasary Erǵojin gaz baǵasyn bastapqy baǵaǵa deiin tómendetýdi usynsa, bilik ókilderi ony qoldamady, sebebi bul arqyly memleket óziniń álsizdigin kórsetedi dep túsindirdi», - deidi Ysqaqov.
Osylaisha elde haos bastalǵan. Sol kezdegi ortalyq apparatty jedel basqarý Ulttyq qaýipsizdik komitetiniń birinshi orynbasary bolǵan Samat Ábishke júktelgen. Rýslan Ysqaqovtyń sózinshe, 2022 jyly 5 qańtarda Samat Ábish «Arman Jumageldievtiń kómegine júginý kerek» dep buiryq bergen eken. Samat Ábish Dikii Armannan Almaty ákimdiginde qalyp qoiǵan politseilerdi qutqaryp, Respýblika alańyndaǵy jaǵdaidy baqylaýǵa alýdy suraǵan kórinedi.
«Meniń ótinishim boiynsha jáne Samat Ábishtiń buiryǵyn oryndaý úshin Jumageldiev Respýblika alańyna shyǵyp, kóshege shyqqandardyń bir bóligin alyp ketti. Ol qolynan kelgenniń bárin jasady, biraq zardaby ózine de tidi: Armanǵa qan tógis bolǵanyn qalaityndar shabýyl jasady. Endi men Ábishtiń buiryǵyn sol kezdegi jaǵdaiǵa qarap, oryndy ári zańdy boldy dep esepteimin. Buiryqty oryndaý qajettigine kúmánim bolǵan joq», - deidi Ysqaqov.
Sonymen qatar, Ysqaqov Ábish buiryǵyn joǵary jaqpen kelisip berip otyr dep oilaǵanyn aitady.
Qalada haos bolyp jatqan kezde Almaty prokýrory Berik Júiriktaev ata-anasynyń úiine Jumageldievtiń jigitterin jiberýdi suraǵan eken. Rýslan Ysqaqov Dikii Armanǵa ótinish jasap, jigitterin jiberedi. Artynsha Júiriktaev Arman Jumageldievti aýrýhanalardy kúzetýge zańsyz jaldaǵan dep aiyptap, Ysqaqovty qamaýǵa alýǵa ruqsat bergen eken.
Rýslan Ysqaqovtyń sózinshe, «absýrd» munymen bitpegen.
«IIM eks ministri Erlan Turǵymbaev shynaiy faktilerdi burmalap, óz jaýapkershiliginen jaltaryp, jappai tártipsizdikterdi uiymdastyrýshy retinde Arman Jumageldievti kórsetti. Bul oiǵa qonymsyz jáne múmkin emes nárse: ol Qazaqstanǵa 2021 jyldyń 17 jeltoqsanynda qyzynyń densaýlyq jaǵdaiyna bailanysty ǵana kelse, ol neni, qalai uiymdastyryp úlgeredi? Odan bólek, 2017-2021 jyldary Qazaqstanǵa ár kelgenin IIM-men maquldap otyratyn. Sońǵy kelgenin de Jumageldiev Turǵymbaevpen maquldap, oǵan dálel retinde 2021 jyly 17 jeltoqsanda sóileskenderin kórsetýge bolady», - deidi polkovnik Rýslan Ysqaqov.
