Eńbek jáne halyqty áleýmettik qorǵaý ministrligi qarashada elektron eńbek birjasynda eń joǵary jalaqy usynylǵan mamandyqtar qaisy ekenin aitty, - dep habarlaidy Dalanews.kz.
Jumys berýshiler eń joǵary jalaqyny bas qurylysshylarǵa (orta eseppen 726 myń teńgeden bastap), óndirýshi ónerkásiptegi qyzmet bastyqtaryna (shamamen 649 myń teńge) jáne diirmenshilerge (shamamen 580 myń teńge) usynǵan.
Jumys izdeýshiler arasynda eń joǵary jalaqyny ázirleý jónindegi jobalardyń basshysy (orta eseppen 1,3 mln teńgeden bastap), taldaý qyzmetiniń bastyǵy (shamamen 1,2 mln teńge) jáne ushqyshtar (shamamen 1,1 mln teńge) suraǵan.
Biyl qarashada Elektron eńbek birjasynda 96,9 myń bos jumys orny jáne 91,7 myń túiindeme jariialanǵan, iaǵni jumys berýshilerdiń de, izdeýshilerdiń de belsendiligi tómen.
Eske salaiyq, buǵan deiin 2025 jylǵy AEK-ke bailanysty endi zeinetaqy, eń tómengi jalaqy mólsheri qalai ózgeretini habarlandy.
