Onyń aıtýynsha, 2023 jyly Almaty qalasynyń Tótenshe jaǵdaılar departamentine jer silkinisin erte habarlaýdyń avtomattandyrylǵan júıesi úshin 1 120 538 143 teńge tólengen.
“Mundaı kelisimshartty 2023 jyly qyrkúıekte sybaılas jemqorlyq úshin sottalǵan Tótenshe jaǵdaılar basqarmasynyń bastyǵy Rýslan Qasybaev jasady. Sebebi ol merdiger uıymǵa oryndalmaǵan jumys úshin zańsyz aqy tólep, órt sóndirý bólimin tehnıkalyq qadaǵalaý aktisinsiz paıdalanýǵa bergeni úshin sottaldy. Al bul adamdar bizdiń qaýipsizdigimizge jaýapty. Sybaılas jemqorlyqtyń sizge áser etpeıtinine áli de senimdisiz be?” - deıdi Dıdar Smaǵulov.
Aıta keteıik, 2023 jyly 27 qyrkúıekte sybaılas jemqorlyqqa qarsy is-qımyl agenttigi Almaty qalasy tótenshe jaǵdaılar departamentiniń bastyǵy, polkovnık Rýslan Qasybaevqa qatysty úkim shyǵarǵan bolatyn. Ol bılikti asyra paıdalanǵany úshin kináli dep tanylyp, úsh jylǵa bas bostandyǵynan jáne ómir boıy memlekettik qyzmet atqarý quqyǵynan aıyryldy.
