ونىڭ ايتۋىنشا، 2023 جىلى الماتى قالاسىنىڭ توتەنشە جاعدايلار دەپارتامەنتىنە جەر سىلكىنىسىن ەرتە حابارلاۋدىڭ اۆتوماتتاندىرىلعان جۇيەسى ءۇشىن 1 120 538 143 تەڭگە تولەنگەن.
“مۇنداي كەلىسىمشارتتى 2023 جىلى قىركۇيەكتە سىبايلاس جەمقورلىق ءۇشىن سوتتالعان توتەنشە جاعدايلار باسقارماسىنىڭ باستىعى رۋسلان قاسىبايەۆ جاسادى. سەبەبى ول مەردىگەر ۇيىمعا ورىندالماعان جۇمىس ءۇشىن زاڭسىز اقى تولەپ، ءورت ءسوندىرۋ ءبولىمىن تەحنيكالىق قاداعالاۋ اكتىسىنسىز پايدالانۋعا بەرگەنى ءۇشىن سوتتالدى. ال بۇل ادامدار ءبىزدىڭ قاۋىپسىزدىگىمىزگە جاۋاپتى. سىبايلاس جەمقورلىقتىڭ سىزگە اسەر ەتپەيتىنىنە ءالى دە سەنىمدىسىز بە؟” - دەيدى ديدار سماعۇلوۆ.
ايتا كەتەيىك، 2023 جىلى 27 قىركۇيەكتە سىبايلاس جەمقورلىققا قارسى ءىس-قيمىل اگەنتتىگى الماتى قالاسى توتەنشە جاعدايلار دەپارتامەنتىنىڭ باستىعى، پولكوۆنيك رۋسلان قاسىبايەۆقا قاتىستى ۇكىم شىعارعان بولاتىن. ول بيلىكتى اسىرا پايدالانعانى ءۇشىن كىنالى دەپ تانىلىپ، ءۇش جىلعا باس بوستاندىعىنان جانە ءومىر بويى مەملەكەتتىك قىزمەت اتقارۋ قۇقىعىنان ايىرىلدى.
