– Biz bárimiz qoǵamymyzdyń údemeli damýyna múddelimiz. Sondyqtan biz birge jumys isteýimiz kerek dep sanaımyn, – dedi SHQO ákimi Ermek Kósherbaev. – Úkimettik emes uıymdardyń sektory tutastaı alǵanda azamattyq qoǵam ınstıtýttarymen ózara is-qımyldyń negizgi tetigi bolyp tabylady. Prezıdent óz Joldaýynda atap ótkendeı, turaqty dıalog arqyly ǵana úılesimdi qoǵam qurýǵa bolady. Bul dıalog – qarym-qatynastyń órkenıetti túri jáne siz ben biz birige jumys isteıtin saıası mádenıettiń belgili bir deńgeıi.
Azamattyq qoǵam ýaqytsha maqsat emes, qoǵamnyń memleketpen ózara is-qımylynyń naqty quraly. Bul týraly forýmǵa qatysýshylar aıtýda. Oǵan eldiń shyǵysynda paıda bolǵan Qazaqstandaǵy alǵashqy "Nevada-Semeı" qoǵamdyq qozǵalysynyń nátıjeleri dálel.
Sol kezde, ıaǵnı, 30 jyl buryn belsendiler ıadrolyq qarýdan bas tartyp, dúnıe júzindegi mıllıondaǵan adamdardyń taǵdyry men ómirin ózgertti.
– Shyǵys Qazaqstannyń úkimettik emes uıymdary óz isterinde árqashan kóshbasshy boldy. Búgingi tańda bılikpen birlese otyryp dıalog quryp, qazaqstandyqtardyń ómirine oń áser etetin kóptegen jobalardy iske asyrýǵa bolatynyna senimdilik bar, bul ekologıaǵa, bilimge, densaýlyq saqtaýǵa jáne t.b. qatysty, – deıdi Qazaqstannyń Azamattyq alánsynyń prezıdenti Baný Nurǵazıeva. – Sońǵy úsh jylda ÚEU damýynda serpilis baıqalady. Sebebi, Memleket basshysy árbir sózinde taraptardyń tolyqqandy teń áriptestigin basa kórsete otyryp, azamattyq qoǵamnyń áleýetine súıený qajettiligine nazar aýdaryp keledi.
İs-sharaǵa qatysýshylar qoǵamdyq keńesterdiń qyzmeti men quramyn qaıta qaraý qajettiligi, ÚEU-ny damytýǵa qarjy bólý, sondaı-aq qoǵamdyq uıymdar salasyndaǵy zańnamadaǵy ózgerister týraly aıtty.
– Qazir kóptegen zań jobalary qabyldanýda. Ótken jyly volonterlik qyzmet týraly Zańǵa ózgerister engizildi. Qazir Senatta qoǵamdyq baqylaý týraly zań jobasy qaralýda, Májiliske qoǵamdyq birlestikter týraly zań jobasy engizildi. 30-dan astam jumys toby óńirlerdi aralap, olardyń shaǵymdary men usynystaryn eskerdi. Azamattyq sektor - azamattar men bılik arasyndaǵy "Altyn kópir" bolýy tıis, – dep esepteıdi QR Mádenıet jáne aqparat mınıstriniń orynbasary Danıar Qadyrov.
Kezdesý sońynda Shyǵys Qazaqstannyń ÚEU-nyń eń kórnekti ókilderine alǵys hattar tabystaldy.
Aıta keteıik, oblysta 605 úkimettik emes uıym tirkelgen, onyń ishine 158 qor, 420 qoǵamdyq uıym, 27 zańdy tulǵalar qaýymdastyǵy kiredi. 12 Qoǵamdyq keńes jumys isteıdi, olardyń quramynyń 60%-y azamattyq sektordan turady.
SHQO qoǵamdyń keńesiniń janynda ÚEU-nyń 100% qatysýymen 8 saraptamalyq komısıa jumys isteıdi.
