– ءبىز ءبارىمىز قوعامىمىزدىڭ ۇدەمەلى دامۋىنا مۇددەلىمىز. سوندىقتان ءبىز بىرگە جۇمىس ىستەۋىمىز كەرەك دەپ سانايمىن، – دەدى شقو اكىمى ەرمەك كوشەربايەۆ. – ۇكىمەتتىك ەمەس ۇيىمداردىڭ سەكتورى تۇتاستاي العاندا ازاماتتىق قوعام ينستيتۋتتارىمەن ءوزارا ءىس-قيمىلدىڭ نەگىزگى تەتىگى بولىپ تابىلادى. پرەزيدەنت ءوز جولداۋىندا اتاپ وتكەندەي، تۇراقتى ديالوگ ارقىلى عانا ۇيلەسىمدى قوعام قۇرۋعا بولادى. بۇل ديالوگ – قارىم-قاتىناستىڭ وركەنيەتتى ءتۇرى جانە ءسىز بەن ءبىز بىرىگە جۇمىس ىستەيتىن ساياسي مادەنيەتتىڭ بەلگىلى ءبىر دەڭگەيى.
ازاماتتىق قوعام ۋاقىتشا ماقسات ەمەس، قوعامنىڭ مەملەكەتپەن ءوزارا ءىس-قيمىلىنىڭ ناقتى قۇرالى. بۇل تۋرالى فورۋمعا قاتىسۋشىلار ايتۋدا. وعان ەلدىڭ شىعىسىندا پايدا بولعان قازاقستانداعى العاشقى "نيەۆادا-سەمەي" قوعامدىق قوزعالىسىنىڭ ناتيجەلەرى دالەل.
سول كەزدە، ياعني، 30 جىل بۇرىن بەلسەندىلەر يادرولىق قارۋدان باس تارتىپ، دۇنيە جۇزىندەگى ميلليونداعان ادامداردىڭ تاعدىرى مەن ءومىرىن وزگەرتتى.
– شىعىس قازاقستاننىڭ ۇكىمەتتىك ەمەس ۇيىمدارى ءوز ىستەرىندە ءارقاشان كوشباسشى بولدى. بۇگىنگى تاڭدا بيلىكپەن بىرلەسە وتىرىپ ديالوگ قۇرىپ، قازاقستاندىقتاردىڭ ومىرىنە وڭ اسەر ەتەتىن كوپتەگەن جوبالاردى ىسكە اسىرۋعا بولاتىنىنا سەنىمدىلىك بار، بۇل ەكولوگياعا، بىلىمگە، دەنساۋلىق ساقتاۋعا جانە ت.ب. قاتىستى، – دەيدى قازاقستاننىڭ ازاماتتىق اليانسىنىڭ پرەزيدەنتى بانۋ نۇرعازييەۆا. – سوڭعى ءۇش جىلدا ۇەۇ دامۋىندا سەرپىلىس بايقالادى. سەبەبى، مەملەكەت باسشىسى ءاربىر سوزىندە تاراپتاردىڭ تولىققاندى تەڭ ارىپتەستىگىن باسا كورسەتە وتىرىپ، ازاماتتىق قوعامنىڭ الەۋەتىنە سۇيەنۋ قاجەتتىلىگىنە نازار اۋدارىپ كەلەدى.
ءىس-شاراعا قاتىسۋشىلار قوعامدىق كەڭەستەردىڭ قىزمەتى مەن قۇرامىن قايتا قاراۋ قاجەتتىلىگى، ۇەۇ-نى دامىتۋعا قارجى ءبولۋ، سونداي-اق قوعامدىق ۇيىمدار سالاسىنداعى زاڭناماداعى وزگەرىستەر تۋرالى ايتتى.
– ءقازىر كوپتەگەن زاڭ جوبالارى قابىلدانۋدا. وتكەن جىلى ۆولونتەرلىك قىزمەت تۋرالى زاڭعا وزگەرىستەر ەنگىزىلدى. ءقازىر سەناتتا قوعامدىق باقىلاۋ تۋرالى زاڭ جوباسى قارالۋدا، ماجىلىسكە قوعامدىق بىرلەستىكتەر تۋرالى زاڭ جوباسى ەنگىزىلدى. 30-دان استام جۇمىس توبى وڭىرلەردى ارالاپ، ولاردىڭ شاعىمدارى مەن ۇسىنىستارىن ەسكەردى. ازاماتتىق سەكتور - ازاماتتار مەن بيلىك اراسىنداعى "التىن كوپىر" بولۋى ءتيىس، – دەپ ەسەپتەيدى ق ر مادەنيەت جانە اقپارات ءمينيسترىنىڭ ورىنباسارى دانيار قادىروۆ.
كەزدەسۋ سوڭىندا شىعىس قازاقستاننىڭ ۇەۇ-نىڭ ەڭ كورنەكتى وكىلدەرىنە العىس حاتتار تابىستالدى.
ايتا كەتەيىك، وبلىستا 605 ۇكىمەتتىك ەمەس ۇيىم تىركەلگەن، ونىڭ ىشىنە 158 قور، 420 قوعامدىق ۇيىم، 27 زاڭدى تۇلعالار قاۋىمداستىعى كىرەدى. 12 قوعامدىق كەڭەس جۇمىس ىستەيدى، ولاردىڭ قۇرامىنىڭ 60%-ى ازاماتتىق سەكتوردان تۇرادى.
شقو قوعامدىڭ كەڭەسىنىڭ جانىندا ۇەۇ-نىڭ 100% قاتىسۋىمەن 8 ساراپتامالىق كوميسسيا جۇمىس ىستەيدى.
