Telegram messendjeriniń negizin qalaýshy Pavel Dýrov Astanada ótken jasandy intellekt boiynsha halyqaralyq olimpiada jeńimpazdaryn marapattaýǵa ýáde berdi, dep habarlaidy dalanews.kz.
Dýrov bul týraly áleýmettik jelidegi paraqshasynda jazdy. Onyń aitýynsha, Telegram olimpiada jeńimpazdaryna jalpy somasy 106,5 myń dollardan asatyn arnaiy syilyqtar tabystaidy.
Komandalyq esepte birinshi oryndy Resei quramasy ielendi. Jekelei synda Artem Gorohov jeńimpaz atansa, qazaqstandyq Daýjan Beketov ekinshi orynǵa turaqtady.
«Biz kelesi aida jeńimpazdarǵa Telegram atynan syilyqtardy qaýipsiz túrde tabystaý úshin uiymdastyrýshylarmen bailanysyp jatyrmyz. Júldelerdiń jalpy quny 106 500 AQSh dollarynan asady», – dep jazdy Pavel Dýrov.
Qazirgi baǵam boiynsha bul soma shamamen 50 million teńgeni quraidy.
