Telegram مەسسەندجەرٸنٸڭ نەگٸزٸن قالاۋشى پاۆەل دۋروۆ استانادا ٶتكەن جاساندى ينتەللەكت بويىنشا حالىقارالىق وليمپيادا جەڭٸمپازدارىن ماراپاتتاۋعا ۋەدە بەردٸ, دەپ حابارلايدى dalanews.kz.
دۋروۆ بۇل تۋرالى ەلەۋمەتتٸك جەلٸدەگٸ پاراقشاسىندا جازدى. ونىڭ ايتۋىنشا, Telegram وليمپيادا جەڭٸمپازدارىنا جالپى سوماسى 106,5 مىڭ دوللاردان اساتىن ارنايى سىيلىقتار تابىستايدى.
كوماندالىق ەسەپتە بٸرٸنشٸ ورىندى رەسەي قۇراماسى يەلەندٸ. جەكەلەي سىندا ارتەم گوروحوۆ جەڭٸمپاز اتانسا, قازاقستاندىق داۋجان بەكەتوۆ ەكٸنشٸ ورىنعا تۇراقتادى.
«بٸز كەلەسٸ ايدا جەڭٸمپازدارعا Telegram اتىنان سىيلىقتاردى قاۋٸپسٸز تٷردە تابىستاۋ ٷشٸن ۇيىمداستىرۋشىلارمەن بايلانىسىپ جاتىرمىز. جٷلدەلەردٸڭ جالپى قۇنى 106 500 اقش دوللارىنان اسادى», – دەپ جازدى پاۆەل دۋروۆ.
قازٸرگٸ باعام بويىنشا بۇل سوما شامامەن 50 ميلليون تەڭگەنٸ قۇرايدى.
