Qazaqstan Úkimeti men Dúniejúzilik bank 2031 jylǵa deiingi strategiialyq áriptestikti talqylady. Vitse-premer, Ulttyq ekonomika ministri Serik Jumanǵarin Dúniejúzilik bank ókilderimen kezdesý ótkizip, aldaǵy yntymaqtastyqtyń negizgi baǵyttaryn qarastyrdy, dep habarlaidy Dalanews.kz.
Kezdesý barysynda Serik Jumanǵarin ekijaqty áriptestiktiń strategiialyq mańyzyn atap ótip, 2031 jylǵa deiingi ózara is-qimyldyń basymdyqtaryn aiqyndaityn qujattyń ázirlengenine alǵys bildirdi.
Resmi málimetke sáikes, Dúniejúzilik bank aldaǵy alty jyl ishinde Qazaqstanǵa jyl saiyn 1 mlrd dollarǵa deiin qarjy bólýge daiyn ekenin bildirgen.
Bul qoldaý el ekonomikasynyń negizgi salalaryn damytýǵa baǵyttalmaq. Atap aitqanda, jeke sektordy nyǵaitýǵa, infraqurylymdy jańǵyrtýǵa, ekonomikanyń básekege qabilettiligin arttyrýǵa múmkindik beredi.
