8 mınýttyq beıne jazbadaǵy depýtat Hahazovtyń óz qandastaryna qatty-qatty sóılepti. Vıdoeodan shaǵyn úzindi usynamyz.
Tártip buzýshylyq kóp. Zańsyzdyq ta az emes. Ony jasyrmaımyz. Búgin komısıa múshelerine de osyny aıttym. Bul másele osy joly bizdiń basymyzǵa tústi. Bul basqa jaqta da bolýy msúmkin edi. Anaý jol polısıalary ózderin qalaı ustaıtynyn barlyǵyńyz jaqsy bilesizder. Olar ultqa bólmeıdi. Barlyǵynan alady. Biraq, sizder ózderińizdiń quqyqtaryńyzdy, sizderdiki durys ekenin dáleldeýlerińiz kerek edi ǵoı.
Birinshiden, eshkimdi urmaı-soqpaı, múgedek etpeı, basyn syndyryp, kózin shyǵarmaı... Sosyn polısıaǵa qol kótermeýlerińiz kerek edi.
Bul zań. Túsirip aldyńyz ba, jazyp aldyńyz ba, maǵan berińiz. Problema bolmaıdy. Nege provokasıa jasadyńyzdar. Barlyǵy aıtyp jatyr, olar provokasıa jasady, 100 myń teńge, dep. Ádeıi jasady dep jatyr. Qol kótergensizder. Bul durys pa? Aıtyńyzdarshy. Mine, barlyǵy osydan bastaldy.
Muǵalimderdi urý... Aýhatyda betimizge basyp jatyr. Dúngender muǵalimderdiń betine túkirip, qurmetsizdikpen qaraıdy, deıdi. Jalaqysyn alyp otyrǵan adam dep olardy múlde qurmettemeıdi, deıdi. Qoqystaryn ońdy-soldy shashady, deıdi. Sondaı aqyldy bop kettik pe? Men depýtatpyn. Sóıte tura, ketip bara jatyp, joldaǵy temeki qaldyqtaryna deıin jınap júremin. Ómir boıy solaı jasap kelemin.
Sondyqtan, aqsaqaldar, senderden suraımyn. Meniń ózim 62-demin. Sonda da senderge aqsaqal dep aıtyp otyrmyn. Baýyrlarym, túsinińdershi... Biz Qazaqstanda turamyz. Bizdiń basqa barar jerimiz de joq.
https://youtu.be/uOcN_etpVL8
