8 مينۋتتىق بەينە جازباداعى دەپۋتات حاحازوۆتىڭ ٶز قانداستارىنا قاتتى-قاتتى سٶيلەپتٸ. ۆيدوەودان شاعىن ٷزٸندٸ ۇسىنامىز.
تەرتٸپ بۇزۋشىلىق كٶپ. زاڭسىزدىق تا از ەمەس. ونى جاسىرمايمىز. بٷگٸن كوميسسييا مٷشەلەرٸنە دە وسىنى ايتتىم. بۇل مەسەلە وسى جولى بٸزدٸڭ باسىمىزعا تٷستٸ. بۇل باسقا جاقتا دا بولۋى مسٷمكٸن ەدٸ. اناۋ جول پوليتسييالارى ٶزدەرٸن قالاي ۇستايتىنىن بارلىعىڭىز جاقسى بٸلەسٸزدەر. ولار ۇلتقا بٶلمەيدٸ. بارلىعىنان الادى. بٸراق, سٸزدەر ٶزدەرٸڭٸزدٸڭ قۇقىقتارىڭىزدى, سٸزدەردٸكٸ دۇرىس ەكەنٸن دەلەلدەۋلەرٸڭٸز كەرەك ەدٸ عوي.
بٸرٸنشٸدەن, ەشكٸمدٸ ۇرماي-سوقپاي, مٷگەدەك ەتپەي, باسىن سىندىرىپ, كٶزٸن شىعارماي... سوسىن پوليتسيياعا قول كٶتەرمەۋلەرٸڭٸز كەرەك ەدٸ.
بۇل زاڭ. تٷسٸرٸپ الدىڭىز با, جازىپ الدىڭىز با, ماعان بەرٸڭٸز. پروبلەما بولمايدى. نەگە پروۆوكاتسييا جاسادىڭىزدار. بارلىعى ايتىپ جاتىر, ولار پروۆوكاتسييا جاسادى, 100 مىڭ تەڭگە, دەپ. ەدەيٸ جاسادى دەپ جاتىر. قول كٶتەرگەنسٸزدەر. بۇل دۇرىس پا? ايتىڭىزدارشى. مٸنە, بارلىعى وسىدان باستالدى.
مۇعالٸمدەردٸ ۇرۋ... اۋحاتىدا بەتٸمٸزگە باسىپ جاتىر. دٷنگەندەر مۇعالٸمدەردٸڭ بەتٸنە تٷكٸرٸپ, قۇرمەتسٸزدٸكپەن قارايدى, دەيدٸ. جالاقىسىن الىپ وتىرعان ادام دەپ ولاردى مٷلدە قۇرمەتتەمەيدٸ, دەيدٸ. قوقىستارىن وڭدى-سولدى شاشادى, دەيدٸ. سونداي اقىلدى بوپ كەتتٸك پە? مەن دەپۋتاتپىن. سٶيتە تۇرا, كەتٸپ بارا جاتىپ, جولداعى تەمەكٸ قالدىقتارىنا دەيٸن جيناپ جٷرەمٸن. ٶمٸر بويى سولاي جاساپ كەلەمٸن.
سوندىقتان, اقساقالدار, سەندەردەن سۇرايمىن. مەنٸڭ ٶزٸم 62-دەمٸن. سوندا دا سەندەرگە اقساقال دەپ ايتىپ وتىرمىن. باۋىرلارىم, تٷسٸنٸڭدەرشٸ... بٸز قازاقستاندا تۇرامىز. بٸزدٸڭ باسقا بارار جەرٸمٸز دە جوق.
https://youtu.be/uOcN_etpVL8
