Pavlodar oblysy ákimi Ábilqaiyr Sqaqovtyń tóraǵalyǵymen ótken óńir ákimdiginiń keńeitilgen májilisinde sóilegen mádeniet, tilderdi damytý jáne arhiv isi basqarmasynyń basshysy tilderdi damytý men qoldanýdyń 2011-2019 jyldarǵa arnalǵan memlekettik baǵdarlamasynyń oryndalýy týraly aqparat jetkizdi.
Ernur Dáýenovtiń aitýynsha, baǵdarlamada aiqyndalǵan barlyq kórsetkishter oryndalyp, negizgi indikatorlar iske asyryldy. Máselen, memlekettik tildi meńgergender úlesi byltyr 87,1%-ǵa, aǵylshyn tilin – 24,3%-ǵa, 3 tildi meńgergender – 22,2%-ǵa jetken.
Sóite tura, oblystyq mádeniet, tilderdi damytý jáne arhiv isi basqarmasynyń basshysy qoǵamda qazaq tilin qoldanbaý máselesiniń ózektiligin joǵaltpaǵanyn da jasyrmai aitty. Jaǵdaidy túzetý maqsatynda Ernur Dáýenov basqarmanyń osy baǵyttaǵy negizgi ustanymdaryn jetkizdi.
– Birinshiden, tildiń qoldanysyna qajettilik týdyrý kerek, – dedi Ernur Dáýenov. – Bul – aýladaǵy dúkenniń satýshysynan bastap, jumystaǵy áriptestermen, jalpy, kúni boiy kezdesetin adamdarmen, onyń ishinde ózge etnos ókilderimen de, eń aldymen qazaqsha sóilesýdi bildiredi. Keiinnen keregin qajetti tilde túsindirýge bolady. Sol arqyly kóshede, qoǵamdyq kólik pen qyzmet kórsetý oryndarynda, saýda ortalyqtarynda, áleýmettik jelilerde memlekettik tilge degen suranysty kóbeitýimiz qajet, – dedi basqarma basshysy.
Basqarma basshysynyń oblysy aýmaǵynda Eriktiler jylyna orai til eriktileriniń oblystyq jasaǵy quryldy. Ernur Dáýenovtiń pikirinshe, qazaq tilin jetik biletin árbir oblys turǵyny – til eriktisine ainalýy qajet.
Aibek JUMATOV
Foto: Valerii Býgaev
Taǵa oqyńyz:
https://dalanews.kz/50865
