Jyl basynan beri drift jasaǵan 372 júrgizýshi jaýapkershilikke tartyldy, dep habarlaidy dalanews.kz.
Qazaqstanda jyl basynan beri ótkizilgen reidter barysynda jol qozǵalysy erejelerin buzýdyń 226 myńnan asa deregi anyqtalǵan. Kólikti masań kúide basqarýdyń 5 myńnan asa dereginiń joly kesilgen, qarsy qozǵalys jolaǵyna shyǵý boiynsha 4 myńnan asa derek belgili bolǵan. 46 myńnan asa kólik arnaiy turaqqa qoiylǵan. Bul týraly IIM ókilderi málimdedi.
Sonymen qatar, 372 júrgizýshi drift jasaǵany úshin jaýapkershilikke tartyldy.
Astanada drift jasaǵan júrgizýshi 10 táýlikke ákimshilik qamaýǵa alyndy. Almatyda drift jasaǵan júrgizýshi 5 táýlikke qamalyp, kólik arnaiy turaqqa qoiylǵan.
