Tanymal akterdiń aitýynsha, barlyq partiia halyqpen belsendi jumys istegen. Endigi kezekte depýtat bop sailanatyn tulǵalardyń ýádesinde turǵany mańyzdy.
– Qazir ár azamat qai partiianyń baǵdarlamasy kóńiline jaqty, kimniń jospary unady – soǵan daýys berýi kerek. Bul oraida halyq óte belsendi. Sebebi, sońǵy ýaqytta halyqtyń saiasi saýaty da ashylyp keledi. Olar kimge daýys berip jatqanyn jaqsy biledi. Sailaýǵa kelip daýys berý – ár azamattyń boryshy, – dedi ol.
Kinorejisser sailaý protsesiniń joǵary deńgeide uiymdastyrylǵanyn atap ótti. «Sailaý ýchaskelerinde karantin normalarynyń saqtalýyna úlken mán berilgen. Memleket azamattardyń qaýipsizdigine basa nazar qoiyp otyr. Adamdar da sondai jaýapkershilik tanytýy kerek. Sailaýǵa barar kezde maskany umytpaý kerek», – dedi Doshan Joljaqsynov.
