تانىمال اكتەردٸڭ ايتۋىنشا, بارلىق پارتييا حالىقپەن بەلسەندٸ جۇمىس ٸستەگەن. ەندٸگٸ كەزەكتە دەپۋتات بوپ سايلاناتىن تۇلعالاردىڭ ۋەدەسٸندە تۇرعانى ماڭىزدى.
– قازٸر ەر ازامات قاي پارتييانىڭ باعدارلاماسى كٶڭٸلٸنە جاقتى, كٸمنٸڭ جوسپارى ۇنادى – سوعان داۋىس بەرۋٸ كەرەك. بۇل ورايدا حالىق ٶتە بەلسەندٸ. سەبەبٸ, سوڭعى ۋاقىتتا حالىقتىڭ ساياسي ساۋاتى دا اشىلىپ كەلەدٸ. ولار كٸمگە داۋىس بەرٸپ جاتقانىن جاقسى بٸلەدٸ. سايلاۋعا كەلٸپ داۋىس بەرۋ – ەر ازاماتتىڭ بورىشى, – دەدٸ ول.
كينورەجيسسەر سايلاۋ پروتسەسٸنٸڭ جوعارى دەڭگەيدە ۇيىمداستىرىلعانىن اتاپ ٶتتٸ. «سايلاۋ ۋچاسكەلەرٸندە كارانتين نورمالارىنىڭ ساقتالۋىنا ٷلكەن مەن بەرٸلگەن. مەملەكەت ازاماتتاردىڭ قاۋٸپسٸزدٸگٸنە باسا نازار قويىپ وتىر. ادامدار دا سونداي جاۋاپكەرشٸلٸك تانىتۋى كەرەك. سايلاۋعا بارار كەزدە ماسكانى ۇمىتپاۋ كەرەك», – دەدٸ دوسحان جولجاقسىنوۆ.
