Túrkistan qalasyndaǵy «Dostyq úiinde» Qazaqstan halqy Assambleiasy Aqsaqaldar keńesiniń respýblikalyq otyrysy ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Is-sharaǵa QHA tóraǵasynyń orynbasary, QR Prezidenti Ákimshiligi – QHA hatshylyǵynyń meńgerýshisi Marat Ázilhanov, QR Mádeniet jáne aqparat ministrligi Etnosaralyq qatynastardy damytý komitetiniń tóraǵasy Ǵalym Shoikin, Túrkistan oblysy qoǵamdyq damý basqarmasynyń basshysy Erlan Kúzembaev, oblystyq «Qoǵamdyq kelisim» KMM basshysy Elmira Janǵazieva jáne qoldanbaly etnosaiasi zertteýler institýtynyń direktory Talǵat Qaliev, sondai-aq Aqsaqaldar keńesiniń tóraǵalary men músheleri qatysty.
Memleket basshysy Qasym-Jomart Toqaev byltyr Qazaqstan Halqy Assambleiasy sheńberinde aqsaqaldar keńesin qurýdy tapsyrǵan edi. Bul oraida, elimizde 1200-den astam Aqsaqaldar keńesi qurylyp, el yntymaǵyn arttyrý jolynda jumys istep jatyr. Olardyń quramyna tanymal tulǵalar, qoǵamdyq pikir kóshbasshylary, etnomádeni, ardagerler birlestikteri men basqa da qoǵamdyq uiymdardyń ókili kirdi. Jalpy, ártúrli deńgeidegi keńes quramynda 7 myńnan asa azamat bar.
Keleli keńeste sóz alǵan QHA tóraǵasynyń orynbasary Marat Ázilhanov Qazaqstannyń ár óńirinen kelgen abyz aqsaqaldardyń jańa «Dostyq úiindegi» otyrysy jaqsylyqtyń nyshany ekenin aita kele, bul nysan barsha túrkistandyqtardyń bas qosatyn berekeli ǵimaratyna ainalatyna senim bildirdi.
– Qazaq qoǵamynda aqsaqaldar – danalyq pen ádildiktiń simvoly. Olar beibitshilik pen birlikti saqtai otyryp, el arasyndaǵy máselelerdi sheshýde ádil tóreligin aitqan. Búgin de sizderdiń ómirlik tájiribelerińiz ben aqyl-keńesterińiz jastarǵa durys jol siltep, ulttyq qundylyqtardy, ádilettilikti sanasyna sińirýge septigin tigize alady. Bul oraida, asa mańyzdy mindetimiz – adal azamattardy tárbieleý. Prezident aitqandai, «Adal azamat» – bul eń úzdik qasietterge ie, adal eńbek etip, tabysqa jetip, adaldyq pen ádilettilikti bárinen joǵary qoiatyn tulǵa».
Aqsaqaldar keńesiniń qyzmeti aiasynda árbir azamattyń sanasyna osy qundylyqtardy tyńǵylyqty jetkizý bizdiń eń basty mindetimiz. Sonymen qatar qoǵamdaǵy bes áleýmettik keselmen jalpyulttyq kúreske jumylý, Prezident jariialaǵan jumysshy mamandyqtar jyly aiasynda, ár óńirde elge syily eńbek adamdaryn dáriptei otyryp jastarǵa kásibi baǵdar berip, eńbeksúigishtikke baýlý mańyzdy, – dedi Marat Almasuly.
Ǵalym Shoikin óz sózinde aqsaqaldardyń etnosaralyq saladaǵy memlekettik saiasatty iske asyrýdaǵy róliniń mańyzdylyǵyna toqtalyp, olardyń qatysýy qoǵamda beibitshilik pen turaqtylyqty saqtaýǵa yqpal etetinin atap ótti.
Basqosýda elimizdiń ár aimaǵynan kelgen aqsaqaldar jastardy patriottyq rýhta tárbieleý, el birligin nyǵaitý jolynda halyqpen, memlekettik qurylym ókilderimen kezdesýlerdiń mańyzy jóninde usynys-pikirlerin ortaǵa salyp, jumys tájiribelerimen bólisti.
Jalpy, óńirlik Aqsaqaldar keńesiniń ókilderi otyrysqa oń baǵa berip, mundai sharalardy aldaǵy ýaqytta dástúrli túrde ótkizýdi usyndy.
