Toqaev Smaiylov basqarǵan Úkimetti otstavkaǵa jiberdi. Qaznet qoldanýshylary Smaiylovtyń ornyna kim keledi dep boljam jasap jatyr. Úkimetti 2 jyl basqarǵan Smaiylovtyń ornyn kim basýy múmkin? Dalanews.kz sholý jasady.
Belgili jýrnalist Dias Nuraqyn Smaiylovtyń ornyna Almatynyń qazirgi ákimi Erbolat Dosaev kelýi múmkin ekenin aitady.
"Úkimet otstavkaǵa ketti. Álihan Smaiylov Almaty qalasyna ákim bolady degen boljam bar. Al ministrler kabinetin Dosaev nemese Bozymbaev basqarýy múmkin. Davaite, delaite vashi stavki", - deidi jýrnalist Facebook paraqshasynda.
Telegram arnalarda túrli saýalnama paida boldy. "Ulysmedia" basylymy júrgizgen saýalnamaǵa sáikes, Erbolat Dosaevqa "stavka" kóp.
Taǵy bir derekter boiynsha Mýsin ministr qyzmetinen ketýi múmkin. "PRO Kadry KZ" telegram arnasyndaǵy daýystar boiynsha premer-ministr qyzmetine vitse-premer Murat Nurtileý kelýi múmkin.
Erbol Edilov júrgizgen saýalnama boiynsha da kósh basynda Murat Nurtileý.
Taǵy bir arna oqyrmandary Dosaev premer bolady dep jaýap bergen.
Jýrnalist Ashat Niiazov kóptegen ministr qyzmetinde qalýy múmkin dep topshylap otyr.
"Men úshin basty suraq – Dosaevqa qatysty qaýeset rastala ma? Ol vitse-premer nemese premer bolady degen edi. Almatylyqtar árine endi ol qala ákimi bolmaitynyna qýanatyn shyǵar, al almatylyq emester ne isteýi kerek? Onyń qolyndaǵy bilik kúsheii túsedi ǵoi", - deidi jýrnalist.
Aita keteiik, ázirge Álihan Smaiylovtyń ornyna Roman Skliar ýaqytsha premer-ministrdiń qyzmetin atqaryp otyr.
