توقايەۆ سمايىلوۆ باسقارعان ۇكىمەتتى وتستاۆكاعا جىبەردى. قازنەت قولدانۋشىلارى سمايىلوۆتىڭ ورنىنا كىم كەلەدى دەپ بولجام جاساپ جاتىر. ۇكىمەتتى 2 جىل باسقارعان سمايىلوۆتىڭ ورنىن كىم باسۋى مۇمكىن؟ Dalanews.kz شولۋ جاسادى.
بەلگىلى جۋرناليست دياس نۇراقىن سمايىلوۆتىڭ ورنىنا الماتىنىڭ قازىرگى اكىمى ەربولات دوسايەۆ كەلۋى مۇمكىن ەكەنىن ايتادى.
"ۇكىمەت وتستاۆكاعا كەتتى. ءاليحان سمايىلوۆ الماتى قالاسىنا اكىم بولادى دەگەن بولجام بار. ال مينيسترلەر كابينەتىن دوسايەۆ نەمەسە بوزىمبايەۆ باسقارۋى مۇمكىن. داۆايتە، دەلايتە ۆاشي ستاۆكي"، - دەيدى جۋرناليست Facebook پاراقشاسىندا.
تەلەگرام ارنالاردا ءتۇرلى ساۋالناما پايدا بولدى. "ۇلىسمەديا" باسىلىمى جۇرگىزگەن ساۋالناماعا سايكەس، ەربولات دوسايەۆقا "ستاۆكا" كوپ.
تاعى ءبىر دەرەكتەر بويىنشا مۋسين مينيستر قىزمەتىنەن كەتۋى مۇمكىن. "PRO كادرى KZ" تەلەگرام ارناسىنداعى داۋىستار بويىنشا پرەمەر-مينيستر قىزمەتىنە ۆيسە-پرەمەر مۇرات نۇرتىلەۋ كەلۋى مۇمكىن.
ەربول ەدىلوۆ جۇرگىزگەن ساۋالناما بويىنشا دا كوش باسىندا مۇرات نۇرتىلەۋ.
تاعى ءبىر ارنا وقىرماندارى دوسايەۆ پرەمەر بولادى دەپ جاۋاپ بەرگەن.
جۋرناليست اسحات نيازوۆ كوپتەگەن مينيستر قىزمەتىندە قالۋى مۇمكىن دەپ توپشىلاپ وتىر.
"مەن ءۇشىن باستى سۇراق – دوسايەۆقا قاتىستى قاۋەسەت راستالا ما؟ ول ۆيسە-پرەمەر نەمەسە پرەمەر بولادى دەگەن ەدى. الماتىلىقتار ارينە ەندى ول قالا اكىمى بولمايتىنىنا قۋاناتىن شىعار، ال الماتىلىق ەمەستەر نە ىستەۋى كەرەك؟ ونىڭ قولىنداعى بيلىك كۇشەيى تۇسەدى عوي"، - دەيدى جۋرناليست.
ايتا كەتەيىك، ازىرگە ءاليحان سمايىلوۆتىڭ ورنىنا رومان سكليار ۋاقىتشا پرەمەر-مينيستردىڭ قىزمەتىن اتقارىپ وتىر.
