Túrkistan oblysynda túrli baǵytta jumys jasaityn 738 úkimettik emes uiymdar tirkelgen. Alaida, onyń belsendi jumys atqaryp otyrǵandary 200 — dei ǵana. Qoǵamdyq birlestikter jergilikti bilik ókilderiniń jáne sheteldik damý agenttikteri arqyly qarjylandyrylady. Máselen, biyl oblystyq biýdjetten 838 mln. teńge qarjy bólingen.
Túrkistan oblysynyń ákimi Janseiit Túimebaevtiń aityp ótkenindei ÚEU-larǵa 2008 jyly 6 — aq mln. teńge bólinse, biyl ol qarjy 144 ese kóp berilip otyr.
"Oǵan da shúkir. Endi bul jumys ary qarai da jylji beredi. Tek, úkimettik emes uiymdardyń ǵana emes, metsenattardyń, túrli basqa da kásipker azamattardyń berýi arqyly da bul jumys jandanyp otyr", – dedi bul oraida óńir basshysy.
Sondai — aq, jaqynda Azamattyq qoǵam qalyptastyrýǵa arnalǵan tujyrymdama júzege asýy múmkin. Jiynǵa kelgen saiasattanýshylar jańa jobanyń utymdy tustaryna toqtaldy.
Óz kezeginde tanymal saiasattanýshy Dos Kóshim osynaý Azamattyq forýmnyń basqa igi bastamalarǵa jol asharyna senim bildirdi.
«Azamattyq qoǵamnyń jańa kontseptsiiasy jasalyp, azamattyq qoǵamdy alǵashqy orynǵa qoiý bastaldy. Demokratiialy memlekettiń negizi azamattyq qoǵamda onyń printsipterin biz bilýimiz kerek. Azamattyq qoǵamynyń ne ekenin jaqsylap túsinýimiz kerek. Sol ýaqytta qoǵam jańa bir deńgeige kóterile me dep oilaimyn», – dedi ol.
Azamattyq forýmda túrli birlestikterdiń áleýmettik ideialar men jobalar jármeńkesi de uiymdastyryldy. Jiyn sońynda tórt birlestiktiń júldegerleri marapattalyp, qomaqty qarjy tabys etildi.
