Aýyr atletikadan Qazaqstan quramasynyń burynǵy bas bapkeri Aleksei Nige qatysty túpikilikti sheshim qabyldandy. Ol endi ómiriniń sońyna deiin sporttan shettetiledi, - dep habarlaidy Dalanews.kz 1bol.kz-ke ciltep.
Basylym dereginshe, mundai sheshimdi Halyqaralyq olimpiada komitetiniń bastamasymen 2017 jyly qurylǵan Testileý jónindegi halyqaralyq agenttik (ITA) qabyldaǵan.
Nidiń mundai jaza alýyna Ilia Ilin, Svetlana Podobedova, Zýlfiia Chinshanlo, Maiia Maneza jáne Nidjat Rahimovtardyń dopingpen ustaýy sebep boldy. ITA sheshimi túpkilikti qabyldandy.
Al quramada aǵa bapker bolǵan onyń baýyry Viktor tórt jylǵa sporttan shettetilmek.
Qazaqstan dopingtiń rastalýyna bailanysty alty birdei altyn medalden aiyryldy.
- Beijiń-2008: Ilia Ilin
- London-2012: Ilia Ilin, Maiia Maneza, Zúlfiia Chinshanlo, Svetlana Podobedova
- Rio-2016: Nijat Rahimov
Buǵan deiin ITA tórt qazaqstandyqty ómir boiyna sporttan diskvalifikatsiialaǵan:
- Olga Tereshkova-Tsikýnova – jeńil atletika, úsh doping jaǵdaiy
- Faina Sivanbaeva – aýyr atletika, úsh doping jaǵdaiy
- Timýr Habibýllin - tennis, 21 kelisilgen match boiynsha aiyptaldy
Ni Qazaqstan quramasyn 1994 pen 2016 jyldar aralyǵynda daiyndady. Riodan soń resmi túrde jumystan ketti.
