اۋىر اتلەتيكادان قازاقستان قۇراماسىنىڭ بۇرىنعى باس باپكەرٸ الەكسەي نيگە قاتىستى تٷپٸكٸلٸكتٸ شەشٸم قابىلداندى. ول ەندٸ ٶمٸرٸنٸڭ سوڭىنا دەيٸن سپورتتان شەتتەتٸلەدٸ, - دەپ حابارلايدى Dalanews.kz 1bol.kz-كە cٸلتەپ.
باسىلىم دەرەگٸنشە, مۇنداي شەشٸمدٸ حالىقارالىق وليمپيادا كوميتەتٸنٸڭ باستاماسىمەن 2017 جىلى قۇرىلعان تەستٸلەۋ جٶنٸندەگٸ حالىقارالىق اگەنتتٸك (ITA) قابىلداعان.
نيدٸڭ مۇنداي جازا الۋىنا يليا يلين, سۆەتلانا پودوبەدوۆا, زۋلفييا چينشانلو, ماييا مانەزا جەنە نيدجات راحيموۆتاردىڭ دوپينگپەن ۇستاۋى سەبەپ بولدى. ITA شەشٸمٸ تٷپكٸلٸكتٸ قابىلداندى.
ال قۇرامادا اعا باپكەر بولعان ونىڭ باۋىرى ۆيكتور تٶرت جىلعا سپورتتان شەتتەتٸلمەك.
قازاقستان دوپينگتٸڭ راستالۋىنا بايلانىستى التى بٸردەي التىن مەدالدەن ايىرىلدى.
- بەيجٸڭ-2008: يليا يلين
- لوندون-2012: يليا يلين, ماييا مانەزا, زٷلفييا چينشانلو, سۆەتلانا پودوبەدوۆا
- ريو-2016: نيجات راحيموۆ
بۇعان دەيٸن ITA تٶرت قازاقستاندىقتى ٶمٸر بويىنا سپورتتان ديسكۆاليفيكاتسييالاعان:
- ولگا تەرەشكوۆا-تسيكۋنوۆا – جەڭٸل اتلەتيكا, ٷش دوپينگ جاعدايى
- فاينا سيۆانباەۆا – اۋىر اتلەتيكا, ٷش دوپينگ جاعدايى
- تيمۋر حابيبۋللين - تەننيس, 21 كەلٸسٸلگەن ماتچ بويىنشا ايىپتالدى
ني قازاقستان قۇراماسىن 1994 پەن 2016 جىلدار ارالىعىندا دايىندادى. ريودان سوڭ رەسمي تٷردە جۇمىستان كەتتٸ.
