Donald Tramp «Qurmetti, Prezident! Siz el tizginin ustaǵaly mańyzdy jumystar atqardyńyz. Aq úide Sizdi qabyldaý men úshin abyroi. Meniń shaqyrtýymdy qabyldap, osynda kelgenińiz úshin alǵys aitamyn. Shirek ǵasyrǵa jýyq ýaqyttan beri AQSh tarapy Qazaqstandy Ortalyq Aziiadaǵy táýelsiz, egemen, áleýetti strategiialyq áriptes retinde qarastyryp keledi. 1991 jyly Rojdestvo merekesiniń aldynda Qazaqstannyń táýelsizdigin alǵashqylardyń biri bolyp moiyndaýymyzdy maqtanyshpen aitamyz», – dedi Donald Tramp.
Sonymen qatar ol Qazaqstan men AQSh tarapy halyqaralyq beibitshilik pen qaýipsizdikti qamtamasyz etý úshin tize qosyp jumys istep kele jatqanyn, Qazaqstan ózindegi iadrolyq qarýdan bas tartyp, urpaǵy úshin qaýipsiz jáne beibit bolashaq qalyptastyrǵanyn basa aitty.
– Biz aldaǵy ýaqytta Qazaqstanǵa investitsiia salýdy arttyrýdy kózdep otyrmyz. Ásirese, energetika sektoryna basa nazar aýdarmaqpyz. Qazirgi tańda Qazaqstanmen strategiialyq áriptestigimiz ilgeri jyljyp keledi. AQSh pen Ortalyq Aziia arasyndaǵy áriptestik kópshiliktiń kútkeninen áldeqaida jedel júrý ústinde. Aýǵanstandaǵy bizdiń áskerimizge aitarlyqtai kómek kórsetip keledi. Eki aradaǵy áriptestik Qazaqstannyń BUU Qaýipsizdik keńesiniń tóraǵasy qyzmetine kirisýimen odan ári nyǵaia túsýde, – dedi AQSh Prezidenti.
