دونالد ترامپ «قۇرمەتتى، پرەزيدەنت! ءسىز ەل تىزگىنىن ۇستاعالى ماڭىزدى جۇمىستار اتقاردىڭىز. اق ۇيدە ءسىزدى قابىلداۋ مەن ءۇشىن ابىروي. مەنىڭ شاقىرتۋىمدى قابىلداپ، وسىندا كەلگەنىڭىز ءۇشىن العىس ايتامىن. شيرەك عاسىرعا جۋىق ۋاقىتتان بەرى اقش تاراپى قازاقستاندى ورتالىق ازياداعى تاۋەلسىز، ەگەمەن، الەۋەتتى ستراتەگيالىق ارىپتەس رەتىندە قاراستىرىپ كەلەدى. 1991 جىلى روجدەستۆو مەرەكەسىنىڭ الدىندا قازاقستاننىڭ تاۋەلسىزدىگىن العاشقىلاردىڭ ءبىرى بولىپ مويىنداۋىمىزدى ماقتانىشپەن ايتامىز»، – دەدى دونالد ترامپ.
سونىمەن قاتار ول قازاقستان مەن اقش تاراپى حالىقارالىق بەيبىتشىلىك پەن قاۋىپسىزدىكتى قامتاماسىز ەتۋ ءۇشىن تىزە قوسىپ جۇمىس ىستەپ كەلە جاتقانىن، قازاقستان وزىندەگى يادرولىق قارۋدان باس تارتىپ، ۇرپاعى ءۇشىن ءقاۋىپسىز جانە بەيبىت بولاشاق قالىپتاستىرعانىن باسا ايتتى.
– ءبىز الداعى ۋاقىتتا قازاقستانعا ينۆەستيسيا سالۋدى ارتتىرۋدى كوزدەپ وتىرمىز. اسىرەسە، ەنەرگەتيكا سەكتورىنا باسا نازار اۋدارماقپىز. قازىرگى تاڭدا قازاقستانمەن ستراتەگيالىق ارىپتەستىگىمىز ىلگەرى جىلجىپ كەلەدى. اقش پەن ورتالىق ازيا اراسىنداعى ارىپتەستىك كوپشىلىكتىڭ كۇتكەنىنەن الدەقايدا جەدەل ءجۇرۋ ۇستىندە. اۋعانستانداعى ءبىزدىڭ اسكەرىمىزگە ايتارلىقتاي كومەك كورسەتىپ كەلەدى. ەكى اراداعى ارىپتەستىك قازاقستاننىڭ بۇۇ قاۋىپسىزدىك كەڭەسىنىڭ ءتوراعاسى قىزمەتىنە كىرىسۋىمەن ودان ءارى نىعايا تۇسۋدە، – دەدى اقش پرەزيدەنتى.
