AQSh-tyń Almatydaǵy bas konsýly Piter Kaýfman AQSh prezidenti Donald Tramptyń Qazaqstanǵa saparmen kelý múmkindigine qatysty pikir bildirdi, dep habarlaidy dalanews.kz.
Diplomat BAQ ókilderimen kezdesýde Aq úi basshysynyń Qazaqstan prezidenti Qasym-Jomart Toqaevtyń shaqyrýyn qabyldai ma degen suraqqa jaýap berdi.
Kaýfman Donald Tramptyń Qazaqstanǵa kelýine úmittenetinin aityp, eki el arasyndaǵy qarym-qatynastyń qazirgi deńgeiine toqtaldy.
"Úmittenemin. Bizdiń qarym-qatynasymyz buryn-sońdy mundai berik bolǵan emes. Toqaev pen Tramp jii sóilesedi. Olardyń arasynda óte berik bailanys qalyptasty. Menińshe, bul qazir eki el qarym-qatynasynda bolyp jatqan erekshe ári buryn-sońdy bolmaǵan dinamikany kórsetedi", – dedi AQSh-tyń Almatydaǵy bas konsýly.
Qasym-Jomart Toqaev pen Donald Tramp 2026 jylǵy 10 shildede telefon arqyly sóilesken. Áńgime barysynda eki eldiń saiasi jáne ekonomikalyq yntymaqtastyǵy talqylanyp, Qazaqstan prezidenti AQSh basshysyn ózine qolaily ýaqytta elimizge saparmen kelýge shaqyrǵan.
