AQSh prezidenti Donald Tramp Qazaqstan Respýblikasynyń Prezidenti Qasym-Jomart Toqaevqa el Táýelsizdiginiń 35 jyldyǵyna orai quttyqtaý joldady, dep habarlaidy dalanews.kz.
Aqordanyń málimetinshe, quttyqtaý hat Memleket basshysyna AQSh prezidentiniń Ońtústik jáne Ortalyq Aziia boiynsha arnaiy ókili Serdjio Gor arqyly tabystalǵan. Kezdesý BRIKS sammiti aiasynda ótti.
Donald Tramp óz quttyqtaýynda Qazaqstan halqynyń táýelsizdik jyldarynda eldiń bai mádenieti men tarihi murasyn saqtap, damytý jolyndaǵy jetistikterin joǵary baǵalady.
«Milliondaǵan qazaqstandyq Astanada jáne eldiń túkpir-túkpirinde 1991 jyly respýblika Táýelsizdigi jariialanǵannan beri kózdiń qarashyǵyndai saqtap, eselei túsken bai mádenietin, tarihi murasyn jáne qaitalanbas kelbetin erekshe maqtanyshpen pash etedi», – delingen quttyqtaý hatta.
Sondai-aq AQSh prezidenti Qazaqstan men Amerika Qurama Shtattary arasyndaǵy keńeitilgen strategiialyq seriktestiktiń mańyzyn atap ótip, eki el arasyndaǵy bailanys aldaǵy ýaqytta da nyǵaia túsetinine senim bildirdi.
Óz kezeginde Qasym-Jomart Toqaev jyly lebizi úshin Donald Trampqa alǵys aityp, AQSh kóshbasshysyn Qazaqstanǵa resmi saparmen kelýge shaqyrýyn rastady.
Kezdesý barysynda Memleket basshysy qazaq-amerikalyq strategiialyq seriktestiktiń qarqyndy damyp kele jatqanyn atap ótip, ózara tiimdi yntymaqtastyqty odan ári keńeitýdiń mańyzdylyǵyna toqtaldy.
«Qazirgi ýaqytta Maiamide ótetin G20 sammitine qatysýǵa daiyndalyp júrmin. Bul ekijaqty kún tártibindegi máselelerdi talqylaýǵa jaqsy múmkindik dep oilaimyn. Ózara tiimdi yqpaldastyqty ilgeriletý jolynda sózden góri naqty iske kóshkendi jón kóremiz», – dedi Prezident.
