Naýryz aiynda elimizdegi aqsha aiyrbas oryndaryndaǵy amerikandyq valiýtanyń satylym kólemi birden 58%-ǵa tómendedi. Resei rýbliniń satylymy da antirekord ornatty, dep habarlaidy Dalanews.kz.
"Naýryzda elimizdegi aqsha aiyrbas oryndarynda amerikalyq valiýtanyń netto-satý kólemi 73,9 mlrd teńgeni qurap, 2024 jylmen salystyrǵanda aqpan aiynda 58% -ǵa jáne naýryzda 53%-ǵa qysqardy. AQSh dollaryna degen suranystyń tómendeýi naýryz aiynda AQSh valiýtasyna shaqqanda teńgeniń birshama nyǵaiýy áser etti (aqpan aiyndaǵy ortasha baǵam 506 teńge bolsa, naýryzdaǵysy - 498 teńge)", - dep atap ótti sarapshylar.
Evroǵa degen suranys ta tómendedi: ailyq mánde birden 65%-ǵa, al jyldyq mánde - 39%-ǵa, nominaldy túrde alǵanda, 11,6 mlrd teńgege deiin.
"Biraq bul arada asa bir naqty minimýmdar týraly sóz joq, óitkeni qazirgi tómen degen deńgeiden de tómeni sońǵy ret salystyrmaly túrde jaqynda ǵana boldy: 2024 jyldyń tamyz – qyrkúieginde. Evro baǵamy naýryz aiynda, kerisinshe, aqpanǵa qaraǵanda joǵary boldy (536,6 teńge, +1,9%)", - dep túsindiredi Birinshi nesielik biýro sarapshylary.
Aqsha aiyrbastaý ornyna tutynýshylar rýbldi óte belsendi túrde ótkizýdi jalǵastyrýda, teris mándegi suranys osymen tórtinshi ai qatarynan saqtalýda. Aqsha aiyrbas oryndary naýryz aiynda rýbldi satqannan góri, kóbirek satyp alǵan: 18,9 mlrd teńgege deiin.
"Bul kórsetkish 2020 jyldyń basynan bergi antirekordty jańartyp otyr. Onyń ústine naýryz aiynda aqpan aiymen salystyrǵanda rýbl qymbatyraq boldy: ortasha baǵam 5,79 teńge, iaǵni bir aida 5,9% ústemeledi", - delingen Birinshi nesielik biýronyń Telegramdaǵy DataHub arnasynda.
Buǵan deiin saitymyzda "Teńge baǵamy nyǵaiyp jatyr. Nege?" degen maqala jariialanǵan bolatyn.
