ناۋرىز ايىندا ەلىمىزدەگى اقشا ايىرباس ورىندارىنداعى امەريكاندىق ۆاليۋتانىڭ ساتىلىم كولەمى بىردەن 58%-عا تومەندەدى. رەسەي ءرۋبلىنىڭ ساتىلىمى دا انتيرەكورد ورناتتى، دەپ حابارلايدى Dalanews.kz.

"ناۋرىزدا ەلىمىزدەگى اقشا ايىرباس ورىندارىندا امەريكالىق ۆاليۋتانىڭ نەتتو-ساتۋ كولەمى 73،9 ملرد تەڭگەنى قۇراپ، 2024 جىلمەن سالىستىرعاندا اقپان ايىندا 58% -عا جانە ناۋرىزدا 53%-عا قىسقاردى. اقش دوللارىنا دەگەن سۇرانىستىڭ تومەندەۋى ناۋرىز ايىندا اقش ۆاليۋتاسىنا شاققاندا تەڭگەنىڭ ءبىرشاما نىعايۋى اسەر ەتتى (اقپان ايىنداعى ورتاشا باعام 506 تەڭگە بولسا، ناۋرىزداعىسى - 498 تەڭگە)"، - دەپ اتاپ ءوتتى ساراپشىلار.

ەۆروعا دەگەن سۇرانىس تا تومەندەدى: ايلىق ماندە بىردەن 65%-عا، ال جىلدىق ماندە - 39%-عا، نومينالدى تۇردە العاندا، 11،6 ملرد تەڭگەگە دەيىن.

"ءبىراق بۇل ارادا اسا ءبىر ناقتى مينيمۋمدار تۋرالى ءسوز جوق، ويتكەنى قازىرگى تومەن دەگەن دەڭگەيدەن دە تومەنى سوڭعى رەت سالىستىرمالى تۇردە جاقىندا عانا بولدى: 2024 جىلدىڭ تامىز – قىركۇيەگىندە. ەۆرو باعامى ناۋرىز ايىندا، كەرىسىنشە، اقپانعا قاراعاندا جوعارى بولدى (536،6 تەڭگە، +1،9%)"، - دەپ تۇسىندىرەدى ءبىرىنشى نەسيەلىك بيۋرو ساراپشىلارى.

اقشا ايىرباستاۋ ورنىنا تۇتىنۋشىلار ءرۋبلدى وتە بەلسەندى تۇردە وتكىزۋدى جالعاستىرۋدا، تەرىس ماندەگى سۇرانىس وسىمەن ءتورتىنشى اي قاتارىنان ساقتالۋدا. اقشا ايىرباس ورىندارى ناۋرىز ايىندا ءرۋبلدى ساتقاننان گورى، كوبىرەك ساتىپ العان: 18،9 ملرد تەڭگەگە دەيىن.

"بۇل كورسەتكىش 2020 جىلدىڭ باسىنان بەرگى انتيرەكوردتى جاڭارتىپ وتىر. ونىڭ ۇستىنە ناۋرىز ايىندا اقپان ايىمەن سالىستىرعاندا رۋبل قىمباتىراق بولدى: ورتاشا باعام 5،79 تەڭگە، ياعني ءبىر ايدا 5،9% ۇستەمەلەدى"، - دەلىنگەن ءبىرىنشى نەسيەلىك بيۋرونىڭ تەلەگرامداعى DataHub ارناسىندا.

بۇعان دەيىن سايتىمىزدا "تەڭگە باعامى نىعايىپ جاتىر. نەگە؟" دەگەن ماقالا جاريالانعان بولاتىن.