Qazaqstan qor bırjasynda (KASE) saǵat 15:30-da shetel valútalary boıynsha kúndizgi saýda-sattyq toqtatyldy. Onyń qorytyndysy boıynsha 1 AQSH dollarynyń ortasha baǵamy 517,45 teńgeni qurap, bir táýlikte birden 5,01 teńgege taǵy qymbattady, dep habarlaıdy Dalanews.kz.
QR Ulttyq Banktiń tańerteń bekitken 1 AQSH dollarynyń resmı baǵamy 512,44 teńge bolǵan edi.
Kurs.kz málimetteri boıynsha, elimizdegi aqsha aıyrbastaý oryndarynda búginderi 1 AQSH dollary 518,11-520,51 teńge, 1 evro 594,42-599,05 teńge aralyǵynda satylyp-satyp alynyp jatyr.
Munaıdyń álemdik naryqtaǵy baǵasy búgin taǵy azdap ósti.
- ICE Futures elektrondyq saýda bırjasynda Brent markaly munaıdyń maýsym fúchersteriniń quny 1,19%-ǵa kóterilip, 1 barreli 74,14 dollardy qurady.
- NYMEX elektrondy saýda bırjasynda WTI markaly munaıdyń maýsym fúchersteriniń quny 1,18%-ǵa arzandap, 1 barreli 71,17 dollar boldy.
Buǵan deıin satymyzda geosaıası táýekelder álemdik naryqtaǵy baǵalarǵa taǵy da qysym jasap jatqanyn jazyp, BCC Invest sholýyn jarıalaǵan bolatynbyz.
