قازاقستان قور بيرجاسىندا (KASE) ساعات 15:30-دا شەتەل ۆاليۋتالارى بويىنشا كۇندىزگى ساۋدا-ساتتىق توقتاتىلدى. ونىڭ قورىتىندىسى بويىنشا 1 اقش دوللارىنىڭ ورتاشا باعامى 517،45 تەڭگەنى قۇراپ، ءبىر تاۋلىكتە بىردەن 5،01 تەڭگەگە تاعى قىمباتتادى، دەپ حابارلايدى Dalanews.kz.
ق ر ۇلتتىق بانكتىڭ تاڭەرتەڭ بەكىتكەن 1 اقش دوللارىنىڭ رەسمي باعامى 512،44 تەڭگە بولعان ەدى.
Kurs.kz مالىمەتتەرى بويىنشا، ەلىمىزدەگى اقشا ايىرباستاۋ ورىندارىندا بۇگىندەرى 1 اقش دوللارى 518،11-520،51 تەڭگە، 1 ەۆرو 594،42-599،05 تەڭگە ارالىعىندا ساتىلىپ-ساتىپ الىنىپ جاتىر.
مۇنايدىڭ الەمدىك نارىقتاعى باعاسى بۇگىن تاعى ازداپ ءوستى.
- ICE Futures ەلەكتروندىق ساۋدا بيرجاسىندا Brent ماركالى مۇنايدىڭ ماۋسىم فيۋچەرستەرىنىڭ قۇنى 1،19%-عا كوتەرىلىپ، 1 باررەلى 74،14 دوللاردى قۇرادى.
- NYMEX ەلەكتروندى ساۋدا بيرجاسىندا WTI ماركالى مۇنايدىڭ ماۋسىم فيۋچەرستەرىنىڭ قۇنى 1،18%-عا ارزانداپ، 1 باررەلى 71،17 دوللار بولدى.
بۇعان دەيىن ساتىمىزدا گەوساياسي تاۋەكەلدەر الەمدىك نارىقتاعى باعالارعا تاعى دا قىسىم جاساپ جاتقانىن جازىپ، BCC Invest شولۋىن جاريالاعان بولاتىنبىز.