Aýyl turǵyndaryn quttyqtaǵan Qarasai aýdany ákimi Jandarbek Dalabaev eldi mekendi kórkeitýge nazar aýdarylyp otyrǵanyn aitty. Máselen, oblys ákiminiń qoldaýymen 600 oryndyq orta mekteptiń qurylysyna qajetti jer ýchaskesi satyp alynǵan. Jobalyq-smetalyq qujattamasy daiyn, qazir saraptamadan ótýde, iaǵni jýyq arada qurylys bastalady. Qazirgi kezde Dolan aýylynda tozyǵy jetken ǵimaratta tek bastaýysh mektep qana bar.
Saltanatty sharada «GOLDENCITI DS» merdiger uiymynyń ókili Daniiar Qaraqul ýchaskelik dáriger Gúlnur Sheneevaǵa nysannyń simvoldyq kiltin tapsyrdy.
Atap ótsek, Dolan aýylynda buǵan deiin shaǵyn feldsherlik-akýsherlik pýnkt jumys istegen. Aýyl turǵyndaryna kóbine dáriger mamandarǵa qaralý úshin Almalybaq aýylyndaǵy dárigerlik ambýlatoriiaǵa barýyna týra keletin. Endi aýyl turǵyndary óz eldi mekeninde kásibi bilikti mamandardyń meditsinalyq kómegine júgine alady.
Eske salsaq, Almaty oblysynda meditsinalyq kómektiń qoljetimdiligin qamtamasyz etý úshin jáne 2025 jylǵa deiin shalǵai aýyldardy meditsinalyq nysandarmen qamtý úshin 109 nysannyń qurylysy josparlanǵan, sonyń 23-i – biylǵy jyly salynady, bunyń ishinde 20-sy – blokty-modýldi medpýnkt.
