Depýtattar Otyrarda júr
Birneshe kúnnen beri Túrkistan oblysy aýdandaryndaǵy turǵyndarmen júzdesip, aýyl-aimaqtyń tirshiligimen etene tanysyp júrgen halyq qalaýlylary Otyrardaǵy Shilik, Qaraqońyr jáne Sháýildir aýyl okrýgteriniń turǵyndarymen kezdesip, arnaiy jiyn ótkizdi. Jiyndy aýdan ákimi Erlan Qýanyshuly ashyp, júrgizip otyrdy. Keleli basqosýda sóz alǵan QR Parlamenti Májilisiniń depýtattary Muhtar Erman, Nurtai Sabilianov, Shavhat Ótemisovter Parlament qabyrǵasynda atqarylyp jatqan jumystarmen, jańadan qabyldanyp jatqan zań jobalary jóninde turǵyndarǵa jan-jaqty túsinik berip, kópshilikpen pikir almasty.
Jiynǵa qatysýshylardyń usynys-pikirlerin tyńdap, ózekti degen máselelerdi ózderiniń nazarynda ustaityndyqtaryn jetkizdi. Tuńǵysh Prezidentimiz N.Á.Nazarbaevtyń «Nur Otan» HVIII sezinde aitqan tapsyrmalary boiynsha turǵyndardy baspanamen qamtý, jalaqy men járdemaqyny ulǵaitý, elimizdegi bilim, densaýlyq salalaryn odan ári damytý, kóp balaly analarǵa áleýmettik qoldaý kórsetý, qoǵamdaǵy jumyssyzdyqty azaitý máselelerine erekshe toqtalǵan halyq qalaýlylary, birlik bar jerde ǵana berekeli tirlik pen tolaǵai tabys bolatyndyǵyn erekshe atap ótti.
Kezdesý jiynyn qorytyndylaǵan aýdan ákimi Erlan Aitahanov Elbasy N.Nazarbaevtyń bergen tapsyrmalarynyń aýdanda kezeń-kezeńimen oryndalyp jatqandyǵy jóninde aityp, arnaiy is-saparymen kelgen QR Parlament Májilisiniń depýtattaryna alǵys bildirdi.
Otyrar arheologiialyq – qoryq murajaiyndaǵy tarihi qundy jádigerlermen tanysqan halyq qalaýlylary, babtardyń baby Arystanbabtyń kesenesine ziiarat etti.
Otyrar aýdany ákiminiń baspasóz qyzmeti
