بىرنەشە كۇننەن بەرى تۇركىستان وبلىسى اۋداندارىنداعى تۇرعىندارمەن جۇزدەسىپ، اۋىل-ايماقتىڭ تىرشىلىگىمەن ەتەنە تانىسىپ جۇرگەن حالىق قالاۋلىلارى وتىرارداعى شىلىك، قاراقوڭىر جانە ءشاۋىلدىر اۋىل وكرۋگتەرىنىڭ تۇرعىندارىمەن كەزدەسىپ، ارنايى جيىن وتكىزدى. جيىندى اۋدان اكىمى ەرلان قۋانىش ۇلى اشىپ، جۇرگىزىپ وتىردى. كەلەلى باسقوسۋدا ءسوز العان ق ر پارلامەنتى ءماجىلىسىنىڭ دەپۋتاتتارى مۇحتار ەرمان، نۇرتاي سابيليانوۆ، شاۆحات وتەمىسوۆتەر پارلامەنت قابىرعاسىندا اتقارىلىپ جاتقان جۇمىستارمەن، جاڭادان قابىلدانىپ جاتقان زاڭ جوبالارى جونىندە تۇرعىندارعا جان-جاقتى تۇسىنىك بەرىپ، كوپشىلىكپەن پىكىر الماستى.
جيىنعا قاتىسۋشىلاردىڭ ۇسىنىس-پىكىرلەرىن تىڭداپ، وزەكتى دەگەن ماسەلەلەردى وزدەرىنىڭ نازارىندا ۇستايتىندىقتارىن جەتكىزدى. تۇڭعىش پرەزيدەنتىمىز ن.ءا.نازاربايەۆتىڭ «Nur Otan» حVIII سەزىندە ايتقان تاپسىرمالارى بويىنشا تۇرعىنداردى باسپانامەن قامتۋ، جالاقى مەن جاردەماقىنى ۇلعايتۋ، ەلىمىزدەگى ءبىلىم، دەنساۋلىق سالالارىن ودان ءارى دامىتۋ، كوپ بالالى انالارعا الەۋمەتتىك قولداۋ كورسەتۋ، قوعامداعى جۇمىسسىزدىقتى ازايتۋ ماسەلەلەرىنە ەرەكشە توقتالعان حالىق قالاۋلىلارى، بىرلىك بار جەردە عانا بەرەكەلى تىرلىك پەن تولاعاي تابىس بولاتىندىعىن ەرەكشە اتاپ ءوتتى.
كەزدەسۋ جيىنىن قورىتىندىلاعان اۋدان اكىمى ەرلان ايتاحانوۆ ەلباسى ن.نازاربايەۆتىڭ بەرگەن تاپسىرمالارىنىڭ اۋداندا كەزەڭ-كەزەڭىمەن ورىندالىپ جاتقاندىعى جونىندە ايتىپ، ارنايى ىس-ساپارىمەن كەلگەن ق ر پارلامەنت ءماجىلىسىنىڭ دەپۋتاتتارىنا العىس ءبىلدىردى.
وتىرار ارحەولوگيالىق – قورىق مۇراجايىنداعى تاريحي قۇندى جادىگەرلەرمەن تانىسقان حالىق قالاۋلىلارى، بابتاردىڭ بابى ارىستانبابتىڭ كەسەنەسىنە زيارات ەتتى.
وتىرار اۋدانى اكىمىنىڭ باسپا ءسوز قىزمەتى
