Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Depýtattar baspanasy órtenip ketken ananyń úiin jóndep berdi

Dalanews
Depýtattar baspanasy órtenip ketken ananyń úiin jóndep berdi
Túrkistan oblysynda «Nur Otan» fraktsiiasynyń depýtattary turaqty túrde qoǵamdyq qabyldaý ótkizýdi jalǵastyryp keledi. Jýyrda kezekti qabyldaýdyń biri «Nur Otan» partiiasy Qazyǵurt aýdandyq filialynyń qoǵamdyq qabyldaý bólmesinde ótti, – dep habarlaidy Dalanews.kz «Nur Otan» partiiasy Túrkistan oblystyq filialynyń baspasóz qyzmetine silteme jasap.

Qabyldaýǵa kelgen jalǵyz basty ana P.Kelesbaeva basyna túsken qiyn jaǵdaidy jetkizdi. Qazyǵurt aýylynyń turǵynynyń úiin órt shalyp, turýǵa jaramsyz bolyp qalǵan. Biraz jihazy jaramsyz kúige túsken.

«Nur Otan» partiiasy Qazyǵurt aýdandyq filialy tóraǵasynyń birinshi orynbasary, aýdandyq máslihat depýtaty E.Isaqulov atalǵan jaǵdai boiynsha jedel áreket etip, ótinish aita kelgen anaǵa kómek kórsetýge depýtattardy jumyldyrdy.

Nátijesinde oblystyq, aýdandyq máslihattardyń bir top depýtaty qarjylai kómek kórsetip, úi tolyq jóndeýden ótkizip berdi. Sonymen birge jergilikti depýtat Marat Nuranulynyń kómegimen atalǵan turǵynnyń úiiniń qujattary rettelip berildi.

Nurotandyqtarǵa, halyq qalaýlylaryna alǵysyn bildirgen  P.Kelesbaeva filialǵa arnaiy kelip, «Nur Otan» partiiasyna ótýge ótinish bildirdi.

Qazyǵurt aýdanyndaǵy depýtattardyń saýapty isi bir bul emes. «Nur Otan» fraktsiiasynyń ókili, aýdandyq máslihat depýtaty Aikúl Aqynǵazieva qoǵamdyq qabyldaýda Qarabaý aýylynyń turǵyny Q.Jumataevtyń ótinishin tyńdady. Turǵyn 2 jyldan beri densaýlyǵyna bailanysty múgedektikke shyǵa almai júrgenin, dári-dármekke qarajaty jetpei qalatyndyǵyn aityp shaǵymdandy.

Depýtat Aikúl Kúzenbaiqyzy Q.Jumataevty tolyq tegin meditsinalyq tekserýden ótkizýge kómek kórsetip qana qoimai, múgedektik járdemaqy alýyna da yqpal etti. Eki jyldan beri sheshimin tappaǵan máselesi sheshilgen turǵyn partiia filialyna arnaiy kelip, depýtatqa jáne jetekshi partiiaǵa alǵysyn aitty.

Túrkistan oblysynda «Nur Otan» fraktsiiasynyń 263 depýtaty bar. Olar bekitilgen kestege sáikes, qoǵamdyq qabyldaýlar ótkizip jatyr.
Nur Otan túrkistan Qazyǵurt Marat Nuranuly Aikúl Kúzenbaiqyzy Isaqulov Madina Sádýaqasova

Oqi otyryńyz